Unamminissanut piareersarneq
Angutit assammik arsarlutik unammisartut sapaatip akunnerani uani sungiusassapput. Sungiusarneq sapaammi unamminermik naggaserneqassaaq
Sapaatip akunnerata naanerani angutit assammik arsarlutik unammisartut Nuummi sungiusassapput. Arsartartut sisamat ulluinnarni Danmarkimi Sverigemilu najugallit peqataapput, tassaasut Michael Lukasc, Minik Dahl Høegh, Angutimmarik Kreutzmann aamma Akutaaneq Kreutzmann.
Katersuunnermi arsartartut 20't peqataapput, sungiusaqatigiinnerit appassaat sap.ak. pingasut ingerlaneriinnaanni Kalaallit Nunaanni ingerlanneqarpoq. Tulliani sungiusaqatigiinnissaq Helsingørimi pissaaq 2012 januaarimi, aasamut Pan Amerikanske mesterskabinut kikkut nunatta unammiartortissanerai paasinarsissaaq.
Nuummi katersuunneq sapaammi naammassineqassaaq, nuna tamakkerlugu unammisartut imminnut unammissapput NÛK'mi aamma GSS'imi peqataasartunik ilalerlutik. Unamminissaq taanna Inussivimmi nal. 16.30 aallartissaaq - isiginnaariarneq akeqanngilaq.