Kalaallit Nunaat ukiorpoq

DMI, Danmarks Meteorologiske Institut, Kalaallit Nunaata aamma Danmarkip silaannaa qanoq ukiuutiginersoq uuttortarpaa.

- Danmarkimi silaannaq naatsumik oqaatigalugu imaattarpoq, nunarsuarmi piffinnit arlaannit silaannaq kissartoq avannarparaangat taava silaannaq nillertoq kujavartarpoq taamalu oqimaaqatigiinnermik pilersitsisoqartarluni. Oqartoqarsinnaavoq ingiuliup qaava kissartumik silaannalik ingiuliullu naqqani silaannaq nillertoq, silasiortoq Jens Eriksen nassuiaavoq.

- Det er netop, hvad vi ser i øjeblikket. Nalinginnaasumik ingiullit kangianiit kitaanut ingerlasarput, taamaattumik Danmarkimi silaannaq ilaanni nillerluni ilaanni kissartarpoq. Piffissalli ilaanni kiattup nillertullu ataatsikkut poortoqasarpaa, taamaalilluni ingiullit aalariaatsiminni nikissinnaajunnaarlutik.

Silasiortup neriorsuutigaa sila ulluni tullerni qulini allanngorallarnavianngitsoq. Sila taamaattoq Danmarmiki qasertumik nerumittumilli silaannaqartitsissaaq, kalaallilli ukiup qanoq ilinera eqqarsaatigalugu nalinginnaasumik immaqaluunniit qiianarnerulaartumik misigissavaat, DMI.dk allappoq.

Kalaallit Nunaanni suli kaperlammik eqqorneqanngitsumi nunap annersaani seqinertarpoq nittaattarlunilu, pingaartumik Illoqqortoormiuni piffissaq ilaa avannaq avannaq-kangisimmik sakkortuumik anorlertassaaq. Tamanna tunngaveqarpoq piffissami qaninnermi Kalaallit Nunaata tunuata sineriaani silaannaq kissartoq nillertorlu aporaaffeqarmata.

Kalaallit Nunaanni sumiiffippanni unnuat qatsungasut pinnerluinnartullu misigisassaapput, soorlu novembarip pingajuanni tamaattoq. Kalaallit Nunaata sisamanngornikkut ualikkut qulaanit assilineqarneranit takuneqarsinnaavoq nunap annersaa qatsungasoq. Avannarpasissumili taarsivoq tunup avannaani anorersuartorsuulluni. Kisitsisit tungujortut ersersippaa nunap qulaani 2 meterit miss. silaannap nillissusaa. Sineriak tamarmi ullukkut issittalersimasoq aamma takuneqarsinnaavoq.