Aalborgimi meeqqat nunatsinneersut aalluppaat
Kalaallit meerartaat atugarliortut Aalborg Kommunimit nakkutigineqarput, ilaqutariinnermut suliffissaqartitsinermullu aqutsisoqarfimmut qinigaq Mai-Britt Iversen (S), Nordjyskemut oqarpoq
Meeqqat atugarliortut Kalaallit Nunaanneersut Aalborg Kommunemit nalinginnaasumik sumiginnagaanngillat.
Familie- og Beskæftigelsesforvaltningimut qinikkatut siulittaasoq Mai-Britt Iversen (S), Nordjyskemut oqarpoq.
Kommunimi meeqqat 20't Kalaallit Nunaanneersut Danmarkimi inuunermik pitsaasumik suliniummi peqataanikuupput. Aamma siornali meeqqat inuusuttuaqqallu Kalaallit Nunaanneersut pillugit suliniutit sukateriffigineqarput.
Meeqqat kommunip iluani immikkut eqqartorneqarsimannginnerannik oqartoqarsinnaanngilaq, kisianni meeqqat taakku malittareqqissaassavagut, Mai-Britt Iversen oqarpoq.
Piffissami qaninnermi kommunimi suliallit susassaqarsinnaasut tamarmik kalaallit meerartaat pillugit immikkut sammisaqartinneqassapput.
Mai-Britt Iversen naqissusiivoq meeqqanut inuusuttuaqqanullu atugarliortunut suliniutit pitsanngortut kisiannili suli pitsaanerulersinnaasut.