Sila, arnat angutit nuttarnerlu
Naligiissitaanermut naalakkersuisoq Mimi Karlsen nunani avannarlerni suiaassuseq aamma silap pissusaata allanngoriartornera pillugu nittartakkamik nutaamik aallarnisaavoq
- ”Silaannaap allanngoriartornera nalitsinni unammisassat annersaasa ilagaat. Ullumikkut teknikikkut aaqqiissutissat sammisorujussuuavut isumaginninnermut inunnullu tunngasortaa samminnginnerullugu. Tamatuma saniatigut silaannaap allanngoriartornerata kujataanut sunniutai oqallisigisaqaavut allanngoriartornerli nunani avannarlerni najugaqartut inuunitsinnut aamma sunniuteqarpoq” Mimi Karlsen saqqummiussilluni oqalugiarnermini ilaatigut taama oqarpoq.
Nunat Avannarliit Siunnersuisooqatigiiffiat Københavnimi sap. ak. una ataatsimiinneranni pivoq.
Silaannaap oqallissigineqarnerani inuttut isiginneriaatsip sammineqarnerunissaata Nunatsinnit kissaatigineqarnera Mimi Karlsenip aaqqissuussinermi qitiusumik oqariartuutigaa:
- Silaannaap allanngoriartornera Kalaallit Nunaanni aalajangersimasuullunilu takussaavoq tamatumalu inuiaqatigiit tamarmiusut kulturilu sunnerpaa. Assersuutigalugu silaannaap kiannerulernerata nassataraa qimussimik piniarfiusinnaasumik sikuusarnerata sivikinnerujartuinnalernera. Ilaqutariit piniartukkormiorpassuit pisaminnik inuussuteqarniarnermik ajornakusoortitsipput illoqarfinnullu nuttarnerulerlutik. Pingaartumik arnat najugaqarfinnit minnerusunit illoqarfinni suliffissarsiorniarlutik nuuttarput angutilli amerlanerujartuinnartut taamatuttaaq piniartuujunnaaginnartariaqartarput. Tamatuma kinguneraa qangaaniilli ileqqut pisinnaasallu kulturitsinnit nungutaaratarsinnaanerat
Mimi Karlsenip naggasiutigalugu erseqqissaatigai silaannaap allanngoriartornera pillugu oqallinnermi naligiissitaanermut tunngasut silaannaap allanngoriartorneranut naleqqussarnermi peqqinnartumik oqimaaqatigiissitsinissamut tunngatillugu pingaaruteqartuusut.
Una toorukku avannarlermiut ataatsimut nittartagaat iserfigissavat.