Naliliisartut: Søvndal ulimaannagaq

Siullermik Villy Søvndal oqaaseqariarluni oqaatsini allanngortippai - naggataatigut oqaaseqanngivilluni. Politikimi naliliisartut Villy Søvndalip CIA pillugu oqaaseqaatai makkuppaat

Jersild Live aallakaatinneqarmat CIA'p Kalaallit Nunaat aqqusaarlugu timmisartuussisarsimaneri pillugu Villy Søvndalip oqaaseqaatai aallakaatitassiortartunit nalilerneqarput. Assi: Screenshot

Jersild Live sisamanngornermi unnukkut DR1'kkut aallakaatinneqarmat udenrigsministeri Villy Søvndal nalilersorpaat.

Aallakaatitami oqaaseqaatit immiussat assigiinngitsut pingasut saqqummersinneqarput Villy Søvndalip CIA pillugu suliami oqaaseqaatigisai. Politikkikkut naliliisartut marluk Mads Lebech aamma Troels Mylenberg, isumaqatigiillutik Villy Søvndal uppernassutsimik ajornartorsiuteqarnerarpaat.

Ministerinngunngikkallarami CIA pillugu oqarpoq:

SIORNATIGUT - Suliami uani arlaannik pissusissaq naapertorlugu ingerlasoqarsimanngilaq. Naalakkersuisullu taama inissisimatillugit taava aamma naalakkersuisut pisussaaffigisariaqarpaat pisimasut misissuiffigineqarnissaat.

KINGORNA - Misissuisitsinissat akisoorujussuit sivisuullu naalakkersuisut ingerlassinnaasaat killeqarpoq.

Sapaatip akunnerani uani immiunneqarnermini aamma Kuupik Kleistip peqataaffigisaani oqarpoq:

- Suliap uuma ingerlateqqinnissaanik kalaallit kissaataat ingerlateqqissinnaagatsigu nuannaarutigeqaara.

- Siullermik allatut oqarpoq, taava allanngortippaa ilaatigut arlaannik akulaartarlugu Jens Olaf Jersild naliliivoq. Sooruna?

- Det undrer i forhold til det politiske spil, fordi han har bragt sig selv i en dum klemme, som jeg har svært ved at gennemskue intelligensen af, sagde politisk kommentator Mads Lebech. Hvorimod Troels Mylenberg var skarpere i sin udtalelse:

- Polikkimi anguniakkat aallaavigalugit taama oqalummat eqqumiigaara imminut uuminartumik inissimmat, sunalu anguniavinneraa paatsuunganarsimmat, Mads Lebech politikkimik naliliisartoq oqarpoq. Illuatungaani Troels Mylenberg peqqarniinnerusumik oqaaseqartoq:

- Tupigusuutigaara Mads Lebech taaama Villy Søvndalimut inussiarnisaartigimmat. Immiussani qiukkat pingasut tulleriissiinnarlugit takoreerlugit. Allamik oqaqqinnissaq pisariaqanngilarluunniit. Ulimaannartoq. Qanoq isumaqavinneq oqaatigisariaqarpoq. Siulleq aappaaluunniit - qeqqani qeqqiinnartoqarsinnaanngilaq. Aappimik naaggamillu oqaraanni oqaaseqannginneq assigaa. Atorfimmut naleqqutinngilluinartoq.

Angutilli marluk isumaqatigiissutigaat nunanut allanut ministeriuneq suliassaq nalunartuusoq:

- Ersersippaa qanoq angummut Villy Søvndalitut ittumut naalakkersuisunngorneq akisussaaffimmillu tigummisunngorneq nalunartigisoq.

Aallakaatitaq tamakkerlugu nittartakkakkut isiginnaarneqarsinnaavoq: dr.dk/jersild

Powered by Labrador CMS