Ilisimatuut nunatsinnit ilisimasanik paarlaasseqatigiissapput
Sapaatip akunnerani tullermi issittoqpillugu ilisimatuut ukiumoortumik 2011-mi Issittumi ilisimatusarnermik ulloqartitsippata qulerutarineqassaaq "Issittoq nunarsuarmioqatigiinni"
Danmarks Tekniske Universitet DTU Issittumi ilisimatusarnikkut ulloqartitsinermi ussagarneqaqisumi ingerlatsiffiussaaq. Ukioq manna Issittoq nunarsuamioqatigiinni qulequtarineqassaaq.
Ilaatigut peqataassaaq ilinniartitaanermut, ilisimatusarnermut nunanillu allanik suleqateqarnermut naalakkersuisoq Palle Christiansen. 2011-miit 2020-mut Kunngeqarfiup Danmarkip Issittumut periusissai nunatsinniit isigalugit saqqummiutissavai.
Issittumi soqutigisat arlalitsigut isigalugit sammineqassapput, ilaatigut nunanut allanut ministereqarfimmi peqataasoqassalluni kiisalu Canadamiut aallartitaqarfianiit Issittumilu allanngiartornerit sammineqassallutik.
Aamma ilisimatusarfiit suliniutaat tusarliutigineqassapput, ilaatigut Aarhusip ilisimatusarfiani Arctic Research Centremiit.
Ullormi paasissutissiffioqisumi kingusinnerusukkut sanaartorneq piujuartitsillunilu inuutissarsiuteqarneq eqqartorneqassapput, tassani Aalborgip ilisimatusarfianit oqaluttuarineqassalluni Ilisimatusarfimmit Pinngortitaleriffimmillu suleqateqarneq.
Ullormi tassani naggasiutigineqassaaq isittumi suliassat, silap allanngoriartornera, peqqissuuuneq nappaatillu Issittumiittut.