Meeqqerivimmi oquk
Dr. Ingrids Børnehave, Tasiilaq matugallassaaq. Oqummik nassaarfigineqarnini pissutigalugu
Annonse
Dronning Ingridip Børnehavea, Tasiilaq matuneqarallassaaq qaliani oqummik nassaartoqarnera pissutigalugu.
Taama nalunaaruteqarpoq sermersooq.gl.
Oquk nassaarineqartoq pissutigalugu meeqqanik paaqqinnittarfimmiittartut 40't inersimasullu tassani sulisut illoqarfimmi inini allaniittalertariaqarput.
Atuarnerup kingorna paarineqartarfik aamma oqummik nassaarfigineqarmat atuisut illoqarfimmi inini allaniittalertariaqarput immaqa atuarfimmi, inini atuartitsivinni ualikkut atorneqarneq ajortuni.
Illunik paaqqinnittarfinnik matusigallarnerup nassatarisaani kommunimit naliliisoqassaaq, init iluarsaannissaat pillugit, atuisullu sumiiffissaat aamma eqqarsaatersuutigineqarpoq imaassinnaavoq filatili illuutikua paaqqinnittarfittut atorneqarallassasoq.