Angut toqutseriaraluartutut pasineqarpoq
Maniitsumi politiit innuttaasut qinnuigaat pingasunngormat Maniitsumi aallaasersornerup paasiniarnerani ikiueqqullugit
Annonse
Pingasunngornerup novembarip 2-ata 2011 unnuaani marlunngoriartortoq Maniitsumi Suusaap aqqutaani aallaasersornermut atatillugu politiit takunnissimasinnaasunik ujartuipput.
Aallaasersorneq pillugu ilisimasaqartut takunnissimasulluunniit qinnuigineqarput Maniitsumi politiinut saaffinneqqullugit oqar. 81 32 22 imaluunniit angallattagaq 52 12 22 aqqutigalugit.
Maniitsumi politiit pingasunngornermi novembarip 2-ani 2011 ualikkut sisamanut angut Maniitsup eqqartuussiviani inatsit tunngaviusoq naapertorlugu killisiorpaat toqutseriaraluartut pasillugu. Angut ulluni 14-ini tigummigallarneqarpoq.
Ilisimasaqaruit uunga saaffiginnissinnaavutit redaktion@sermitsiaq.ag