Nicolai Wammen Julie'p ernerata ataataraa
Nicolai Wammen sapaatit akunneri pingasut matuma siorna ataatanngorpoq. Anaananngortoq tassa siornatigut Julie Rademacherfolketingimi ilaasortaasimasoq
Europaminister Nicolai Wammen sapaatit akunnerisa pingasut matuma ataatanngorpoq. Anaananngortoq tassa Julie Rademacher, Socialdemokratit sinnerlugit folketingimut ilaasortaasimasoq, Århus Stiftstidende taama allaatigisaqarpoq
Wammenip aamma Rademacherip ernerat oktobarip qulingiluaanni København Rigshospitalimi inunngorpoq. Inunngorami 52 centimeterinik takissuseqarpoq 3606 gramminik oqimaassuseqarluni.
Nukappiaqqap atissaraa Carl Rademacher Wammen.
Naartulernera pilersaarutaanngilaq Wammen aviisimut oqarpoq. Angajoqqaanngortut imminnut qanoq naapissimanertik oqaluttuarerusunngilaat.
Taakkua ukiorpassuarni ilisarisimapput ikinngutigiillutillu, peerariigatilli. Angajoqqaanngortut najugaqatigiinngillat aamma ilaqutariittut nalinginnaasutut illoqatigiilernissaminnik pilersaaruteqanngillat.
- Angajoqqaajuvugut muteerniusut, anaana ataatalu illoqatigiinngitsut kisianni angajoqqaatut akisussaaffimmik avitsissaagut, Nicolai Wammen Århus Stiftstidende oqarpoq.
- Carl marluulluta akisussaaffigissavarput. Maannakkut anaanaminiinneruvoq allilaalerunili piffissap ilaa uanniittassaaq., Aarhusip borgmestererisimasaa aviisimut oqarpoq.