Toqutsineq politiit ingasagaat
Inissiami kalaallit angutit pingasut nunaqqatiminnik persuttaallutik toqutsivianni assilisat, arfininngormat eqqartuussivimmi killisiuinermi takutinneqarput
Erngunneq tallimanngormat unnuakkut angutit kalaallit tallimat Københavnip immikkoortuani Sydhavnimi, angummik 40'nik ukiulimmik toqutsinermik kinguneqartoq, ima peqqarniissimatigaaq allaat politiit misilittagartuut tassanngaannartumik aalaterneqaqaatigalugit.
Arfininngornermi eqqartuussivimmi killisiusisoqarmat assit amiilaarnartut politiit teknikkeriisa inissiami assilisimasaat, politiit unnerluussissuserisuata Anne Riisagemit takutinneqarmata taama pisoqarpoq.
Naak unnerluutigineqartut oqaraluartut, toqutsineq gangimi pisoq assinit takuneqarsinnaavoq inissiami suna tamarmi aattaqartoq; gangimi, anartarfimmi, inimi aammalu igaffimmi.
eb.dk. taama allappoq.
Issiaviit nerriviillu niului amigaataapput, unnerluussisup oqarneratut taakku 39'nik ukiulimmik unataanermi atorneqarluarsimasinnaapput. Angut 39'nik ukiulik nal. 02.31 toqusutut nalunaarutigineqarpoq.