Isiginnaartitsisarfik qanoq ateqassava?
Kalaallit Nunaata Isiginnaartitsiviata atissaanik siunnersuuteqarit - 5000 koruuninik eqquiguit kaasammiffiulerneqassaatit
Kalaallit Nunaata Isiginnaartitsiviata siulersuisui aalajangerput Nunatta isiginnaartitsivittaava atermik unammisitsinikkut atserneqassasoq.
- Atit suulluunniit atorsinnaapput atermilli siunnersuut naatsuullunilu tamakkiisinnaavoq, kalaallinit, nunat avannarlermiunit aammalu nunanit tamalaaneersunit taajuminartoq pitsaassaaq, Kalaallit Nunaata Isiginnaartitsiviani siulittaasoq Juaaka Lyberth oqarpoq.
- Siulersuisuni oqaluuseraarput ajugaasup eqqugassarissaneraa 2012'imi isiginnaartitsinernut tamanut akeqanngitsumik isersinnaanermut billitsinnassanersoq. Siunnersuut ajugaassutaasoq Kullorsuarmit Sermiligaamilluunniit pissappat taamassuma naammassiniarnissaa ajornartorsiutitaqassaaq. Taamaattumik siulersuisuni aalajangerpugut ajugaasoq 5000 koruuninik akissarsitinneqassasoq.
Kalaallit Nunaata Isiginnaartitsiviata atissaanik siunnersuutit isiginnaartitsisarfimmit tiguneqassapput kingusinnerpaamik novembarip 30'at. Atissaa akuersissutigineqarpat siulersuisut aalajangiutissavaat ilisarnaammik ilusilersukkamik nutaamik sanasoqassanersoq.