Juulli aallartisippaat
Københavnimi decembarip 22'anni pisarnertut juullimut tunngatillugu aliikkusersuinissamut billittit pisiarineqarsinnaapput
Ukiut 75'it sinnerlugit "Kalaallit Nunaannut Juullimut inuulluaqqussut" DR'ip aallakaatittarpaa - ukioq manna soorunami aallakaatinneqaqqissaaq.
DR'ip inersuani tusarnaartitsineq ingerlanneqassaaq sisamanngorneq decembarip 22-at nalunaaqqutaq 19.30, toqqaannartumik juullerpalaartumik aallakaatitassiaq DR1'ikkut nalunaaqqutaq 20.00 aallakaatinneqassaq. KNR'ip soorunami tusarnaartitsineq aamma unnuk taanna aallakaatissavaa.
Aliikkusersuinermi Julie Berthelsen oqaluttuussaaq DR Big Band, Aavaat, DR Pigekoret inuulluaqqussuterpassuarnik akullugit tusarnaartitsissapput. Nipilersortunik erinarsortunillu aqutsisuussapput Michael Bojesen aamma Mads Lumholt.
Billittit isissutissat 150 koruuneqarput akiliinermi nassiunnermilu akitsuutit saniatigut akiligassaapput. www.billetlugen.dk aqqutigalugu pisiarineqarsinnaapput.