Sisimiuni angummik toqutseriaraluartoq
Politiit angummik 20-25'nik ukiulimmik ujaasinerminni ikioqqupput, ujaarineqartup angut 50'nik ukiulik unnuaq Sømandshjemmimi toqoriaraluarpaa
- Nakorsaq oqarpoq, saviup kappunneqartup qungatsimi taqarsuaq eqqungajassimagaa, kisianni 50'nik ukiulik napparsimavimmit angerlareerpoq.
sermitsiaq.ag'mut taama oqaluttuarpoq Eigil I. P. Lyberth, Qeqqani politeqarfimmi politiassisteniusoq.
Tallimanngornerup arfininngornerullu akornanni unnuami toqutseriaraluarnermut atatillugu politiit angummik ujaasipput. Toqutseriaraluarneq Sømandshjemmimi pivoq nal. 04.25 missaani.
Ujaarineqartup ilisarnaatigai:
20-25'nik ukiulik
175-180 cm. miss. takissusilik
Nalinginnaasumik sananeqaatilik
Timersortartut kavaajaannik atugaqarpoq taanna sungaartoq qaamasoq nasalik
Koorput qarlii tungujortoq qaamasut
Angut ilisarisinnaagukkut qinnuigineqarputit politiinut saaffiginneqqullutit. Sisimiuni politiit normoraat 86 42 11 imal. mobili 52 77 48.
Pisoq pillugu ilisimasaqaruit sermitsiaq.AG saaffigiuk: redaktion@sermitsiaq.ag