KL

DK

Niviarsiaqqat eqimattat Qaanaamit siaruartut

Inuuneritta Pulje tapiinerata nassataraa, Qaasuitsup Kommuniani illoqarfinni tamani niviarsiaqqat kinguaassiutimikkut atornerlugaasimasut ikorfarteqatigiiffiinik pilersitsisoqarsinnaalluni

Qaanaami niviarsiaqqat eqimattakkaarlugit suliniuteqarfigineqarnerannit misilittakkat Qaasuitsup Kommunia siammartinniarneqarput. Assi: Dan Normann
Redaktionen

- Qaasuitsup Kommuniata tapiiffigitissimaneq nuannaarutigeqaa Inuunerittap aningaasaateqarfianiit. Mannanivissanut eqimattaliortoqarsinnaanngorpoq nivissanut ikorfartuisussamik, taakku kommunip illoqarfiini tamani kinguaassiutimikkut atornerlugaasimapput, qaasuitsup.gl'imit allapput.

Peqqissutsimut naalakkersuisoq Agathe Fontain Inuunerittamut tunngasunik aningaasanik agguaasseqqammerpoq, qinnuteqaatit 24't akuersissutigineqarput 543.651,00 koruunit agguaanneqarlutik.

Qaanaami nivissanik eqimattaliornermi misilittakkat illoqarfinnut tamanut siammarterneqassapput.
Siunertaavoq niviarsiaqqat kinguaassiutikkut atornerlungaasimasut ikorfartoqatigiiffissaannik pilersitsinissaq.
Nivissat eqimattat inersimasumit tatigisaminnit annissuivigisinnaasaminnullu aqutsisoqassapput. Aammattaaq nivissanik allanik naapitsisinnaapput immimissulli nuanniitsunik atugaqarsimasunik.

Suliniummi nivissat ikorfartorneqassapput imminullu toqunnissamik pinaveersitsisoqassalluni, tassami nivissat oqimaatsumik nalaarsisimanertik suliarisinnaassagamikku.

Inuit sullissisussat eqimattanut aqutsisussat, eqimattaliornermut aallartitsiniaanermi ikiorserneqassapput ataavartumillu ikorfartorneqarlutillu siunnersorneqartassapput Qaasuitsup Kommuniani tarnip pissusaanik ilisimasalinnit Nuummilu Meqqat Illuannit.
Nivissanut eqimattaliassanut tapiissuteqarnerup saniatigut Qaasuitsup Kommuniani suliniutinut arlalinnut tapiissuteqartoqarpoq. Uani kikkut pineqarnersut takusinnaavatit.

Paasissutissat:

Inuuneritta Pulje-p najugaqarfinni assigiinngitsuni suliniutit pinaveersaartisinermik aamma peqqissutsimik siuarsaanissamik siunertaqartut tapiiffigisarpai. Siunertat pingaarnertut Kalaallit Nunaanni innuttaasut peqqissuunerinik pitsanngorsaaqataasussat taammalu inuunerup naleqarnerata pitsaanerulernissaanik siunertaqartut tapiiffigineqartarput.

nunatsinnit inuiagatigiit
Powered by Labrador CMS