Sermersooq oqaatsinut politikkeqalerpoq
Innuttaasut kalaaliugunik qallunaajugunilluunniit, allakkatigut oqaasiinnakkulluunniit saaffiginninni nammineq oqaatsitit atorlugit Kommuneqarfik Sermersuumit kiffartuunneqarsinnaapput
Kommuneqarfik Sermersuumi kommunalbestyrelsi oktobarip 25'ani 2011 immikkut ittumik ataatsimiinnermini kommunip oqaatsinut politikkia akuersissutigaa.
Taamaasilluni allassimasuutaalerpoq innuttaasutut, kalaaliuguit qallunaajuguilluunniit, allakkatigut oqaasiinnakkulluunniit saaffiginninni nammineq oqaatsitit atorlugit kiffartuunneqarnissannik piumasaqarsinnaaneq. Nunani allanit innuttaassusillit oqaatsitik atorlugit sulinneqarsinnaapput piginnaaneq naaportorlugu, sermersooq.gl allappoq.
Kommuneqarfik Sermersuup aamma soqutigisaraa innuttaasunik sullissineq pitsaanerpaassaaniitinniarlugu sulisut oqaatsitigut piginnaasaasa ineriartortinneqarnissaat. Taamaattumik sulisut kalaallisut, danskisut tuluttullu pikkorissarnissamik periarfissaqarput. Sulisut nutaat oqaluttuarisaanitsinnik, kulturitsinnik kiisalu inuiaqatigiinni ingerlaasiat pillugit ilisimaarinnilernissaq anguniarlugu neqeroorfigineqassapput.