KL

DK

Rasmus Lyberth pattaaterujussuaraat

Sisamanngornermi danskit appisinneqartarput. Rasmus Lyberth aamma Christian Søgaard, H.C. Andersen Ensemblet'ikkut peqatigalugit kissassaapput

Rasmus Lyberth, Svendborg Kulturhusimi Guldsalenimi appisimaartoq. Assi: Knud Fl. Larsen
Christian Søgaard, pisarnermisut supputaasartoq. Assi: Knud Fl. Larsen
På kontrassen var det Poul Find. Foto: Knud Fl. Larsen
H.C. Andersen Ensemblet og de to bratcher. Foto: Knud Fl. Larsen
På kontrassen var det Poul Find. Foto: Knud Fl. Larsen H.C. Andersen Ensemblet og de to bratcher. Foto: Knud Fl. Larsen Rasmus Lyberth, Svendborg Kulturhusimi Guldsalenimi appisimaartoq. Assi: Knud Fl. Larsen Christian Søgaard, pisarnermisut supputaasartoq. Assi: Knud Fl. Larsen På kontrassen var det Poul Find. Foto: Knud Fl. Larsen H.C. Andersen Ensemblet og de to bratcher. Foto: Knud Fl. Larsen Rasmus Lyberth, Svendborg Kulturhusimi Guldsalenimi appisimaartoq. Assi: Knud Fl. Larsen Christian Søgaard, pisarnermisut supputaasartoq. Assi: Knud Fl. Larsen
Knud Fl. Larsen

Svendborg Kulturhus'ip Guldsaliani pingasunngorneq ualikkut SPIL DANSK aaqqissuunneqarmat Rasmus Lyberth aamma Christian Søgaard kiisalu H.C. Andersen Ensemblet appisimaarput.

Svendborgimi aaqqissuussineq sisamanngornermi tusarnaartitsinissamut piareersarneruvoq ulloq taanna SPIL DANSK Danmarkimi sumiiffippassuarni ingerlatsinerit ilaat tusarnaartitsiffiunissaa sioqqullugu.

Nipilersortunut piumasaqaataavoq nipilersukkat nipilersortartunit, erinniortunit aamma erinarsuusiortunit danskiusunit suliarineqarsimanissaat, oqaatsilli suugaluilluunniit atorlugit erinarsorneqarsinnaallutik. Assersuutigalugu Danmark Radio ulloq naallugu danskit nipilersugai kisiisa atorlugit appisimaarnissaat.

Rasmus Lyberth pisarnermisut nuannarineqaqaaq. Erinnat naasullu inersuarmi ulikkaangajassimasuni tusarnaariat ersaattaattarput.

- Nuannisarpisi, Rasmus Lyberth tusarnaarianut aperaaq. Ata nipi, ersaattaakkaanngamik Rasmus Lyberth pisarnini naapertorlugu Christian Søgaard peqatigalugu erinnat ilisimaneqarluartut atorlugit appikkaangat.

- Ukiuni ima amerlatigisuni nipilersoqatigiinnikuuvugut sinillutaluunniit appisimaarsinnaalernikuulluta, Rasmus Lyberth taamatunaasiit tunniussimangaarluni appisimaartoq oqarpoq.

H.C. Andersen Ensemblet erinnanut arlalinnut ingiortaapput Rasmus Lyberthip erinaataanut assut tulluarlutik. Agiaq ataaseq, bratschit marluk kontrabas'ertorlu appisimaaqataapput. Nipilersoqatigiit Odense Symfoniorkesterimi nipilersoqataasarput.

Soorunami Rasmus Lyberth aamma Christian Søgaard nipilersorfimmut qaqiseqqinneqarput ataasiarteqqinneqarlutik, uagut nuannaarluta naammatsisimaarlutalu Svendborgimi Kulturhusip Guldsalianit anialinnginnitsinni, Rasmus Lyberthip tullissaanik tusarnaartitsinissaanut qilanaalereerpugut.

kulturi nunatsinnit
Powered by Labrador CMS