Namminersorlutik Oqartussat allaffii tillinniarfigineqartut
Kuupik Kleistip Ane Hansenillu allaffii tukatsillugit ujarlerfigineqarsimapput. Sulisut angerlartinneqarput
Namminersorlutik Oqartussat allaffissuanni qitiusumik allaffiit arlalissuit tillinniarfigineqarsimapput. Allaffiit matuneqarput teknikerit paasiniaanermi ikiuuttussat Danmarkimit aggerneranni. Namminersorlutik Oqartussani naalakkersuisoqarfimmi pisortap Peter Schultzip annertuumik tillinniarnermi pissutsit taavai eqqumiitsutut.
Taamatut KNR.gl-imut oqarsimasoq EB.dk allappoq.
Danmarkimi Rigspolitiinit pinerluttulerinermi teknikerit misissuiartorlutik Nuummukarput.
Tillinniarneq pisimavoq sapaatip akunnerata naanerani, pigisanillu akisuunik tillittoqarsimagunanngilaq, akerlianik allaffiit amerlasuut ujarlerfigineqarsimapput. Ilaatigut siulittaasup Kuupik Kleistip naalakkersuisoqarfia kiisalu aalisarnermut, piniarnermut nunalerinermullu naalakkersuisup Ane Hansenip naalakkersuisoqarfia tillinnianit ujaasiffigineqarsimapput.
Misissuinerup nalaani suisut angerlartinneqarput. Naatsorsuutigineqarpoq allaffiit kingusinnerpaamik pingasunngorpat ammaqqinneqassasut.