Ukiuni qulini namminersortutut

Pisiffik nalliuttorsioruni sulisuni nalliuttorsiortissavai

Qaqortumi Pisiffiup Pilivittaani sulisut arfininngorneq novembarip tallimaanni suliffeqarfiup namminersortuunera ukiuni qulinngortorsiorluni nalliussillugu nuannatissapput

Tallimanngorneq novembarip tallimaat Pisiffimmi pisiniat ulloq taanna kiisami pingaarnerpaatut isigineqassanngillat. Pisiniarfiit tamarmik kingusinnerpaamik nal. 18.000 matussapput.

Ulloq taanna Pisiffimmi sulisut 600't tamarmik illoqarfinni arfinilinni Pisiffeqarfiusuni fiisteriaqqusaapput. Tamassumunnga tunngaviuvoq suliffeqarfik namminersortoq ukiunik qulinngortorsiorluni nalliuttorsiussammat. Taama nalunaaruteqarpoq Søren Olsen Damgaard, ussassaarinermik attaveqaqatigiinnermillu Pisiffimmi suliaqartoq.

- Ukiuni qulini namminersortutut ingerlanitsinni ingerlalluarnitsinnut sulisugut pissutaarpiarput, Søren Olsen Damgaard oqarpoq.

- Suliffeqarfik manna Kalaallit Nunaanni suliffeqarfinnit pisortanit pigineqartut siullerpaartaatut namminersortunngortuuvugut, suliffeqarfissuaq niuernermik sulialik nammineq pigisut siullersaat, unammilleqatigiinnerup silarsuaani 100 %'imik nammineq ingerlasoq. Kalaallit Nunaanni inuussutissarsiornermik oqaluttuarisaanermi pingaaruteqartoq taamaattumillu nalliuttorsiualaarnissaq pissutissaqarluarpoq, taanna isumaqarpoq.

- Nalliuttorsiussaagut sulisut pingaartinnerullugit. Taamaattumik arfininngorneq taanna pisiniarfiit tamarmik kingusinnerpaamik nal. 18.00 mamtussapput. Pisiniarfiit ilaat matujaarnerussapput. Nalinginnaasumik pisiniartugut siulliuttuarpagut taamaammat ulloq taanna immitsinnut siulliunniarnerput nutaaliorneruvoq, isumaqarpugulli nalliuttorsiornermi sulisut nuannaartitaanissaat pingaarnerpaajusoq. Neriuppugut pisiniartutta tamanna paasissagaat.

Illoqarfinni ataasiakkaani sulisut nalliuttorsiualaarnissamut nammineq pilersaarusioqataapput, Nuuk, Sisimiut, Ilulissat, Aasiaat, Maniitsoq aamma Qaqortumi sulisunut tamanut nerisassaqarlunilu imigassaqassaaq, aliikkusersuisoqarluni illoqarfinneersunillu nipilersortoqarluni, Søren Olsen Damgaard oqaluttuarpoq.


Powered by Labrador CMS