Kineserit telefoniliaat kalaallisut allagartalik
Novembarip arfineq-aappaani Tele Greenlandip saqqummiutissavaa smartphone kalaallisut allassimasortalik
Huawei Sonic Smartphone – telefonit Android'iusut siullerpaartaat kalaallisut allassimasortaqassaaq.
Smartphoni atorlugu kalaallisut allassinnaalissaagut. Tele Greenland kineserit Huawei Sonic SmartPhone'iliaannut kalaallisut oqaasertaqarnissaannik suliniuteqartuuvoq. Nutaarsiassaq taanna kalaallit Danmarkimi najugallit aamma atorsinnaassavaat. Taamaattumik Tele Greenland Tele Call'imik isumaqatigiissusiorsimavoq taamaasilluni Smartphone kalaallisut oqaasertalik siullerpaaq, kalaallinit Danmarkimi najugalinnit atorneqarsinnaanissaa anguneqarluni - soorunamilu aamma Danmarkimi innuttaasunit allanit Androidimik nutaajunerpaamik atugaqarusuttunit - aningaasarpassuit atunngikkaluarlugit teknologimik nutaamik atuerusuttunit.
Kunngeqarfimmi innuttaasut qilanaarisassaqarput akikitsumik Android SmartPhontaarusuttunik, SmartPhonet akisuut assigalugit assigalugit telefoni akikitsoq pitsassuarnik pisinnaassuseqarpoq. Huaei Sonic telefonip pisariitsumik ilusilersugaavoq, taamaattoq teknologi iluaniittoq pikkoorlugu suliarineqarpoq, atoruminarlunarluni piginnaanerpassuaqarlunilu. Huawei Sonic nutaaliaalluinnartoq aamma Smartphoni akikitsoq Android'it kingulliit piginnaasaanik peqarpoq - Android 2.3 "Gingerbread" ikkussimareerpoq.
Piginnaassap taassuma torrallataasup saniatigut atoruminassuseq eqqarsaatigineqarsimavoq "gingerbreadimi" nutarsaariaatsimi. Inuit assakkaarsuit Androidimi allanniarunik umeruaatigut allassinnaapput. Allaffissatut toortakkat kipparissuarakkuutaarput imminnut akuttunerulaamik inissisimalersimallutik, taamaalilluni toorlattunik inuallit ajornanngitsunnguamik sms'inik allassinnaanngorlugit.
Telecall.dk taama allappoq.