EPI: KNR Allamut sangutitsisoq

- Vi sendte vores første pressemeddelse 10. oktober ud til alle medier, men som det eneste medie bragte KNR ikke vores pressemeddelse. I stedet fik de deres programchef, Jan Berg, til at svare på os. Det siger Forbundet for skabende og udøvende kunstere, EPIs formand, Leif Immanuelsen til sermitsiaq.ag.

- Tusagassiivinnut nalunaarut siulleq oktobarip qulingat tusagassiivinnut tamaginnut nassiupparput, KNR'illu kisiartaalluni tusagassiivinnut nassiussaq tusarliutinngilaa. Illuatungaatigut aallakaatitassiornermik pisortaq Jan Berg uagutsinnut akissuteqartippaat. Taama oqarpoq Eqqumiitsuliornermik Pinngorartitsisut Ingerlatsisullu siulittaasuat Leif Immanuelsen.

Leif Immanuelsenip KNR uparuarpaa, KODA AWARDS nersornaatisisitsinerani toqqaannartumik aallakaatitsinerup nipiluppallaarnera pillugu EPI'p isornartorsiutaanik ilanngutassiamik aallakaatitsiumannginnerarlugu, taanna aallakaatitassiaq ippassaq piffissaq kingulleq atorlugu aallakaatinneqanngitsoorpoq.

- KNR tassaavoq tusagassiivik Kalaallit Nunaanni innuttaasunut tamanut kiffartuussisoq. Taamaattumillu aamma pisussaaffeqaraluarpoq immikkoortortaqarfiit ilanngussassaannik ingerlatitseqqittussaq. Aallakaatitassiaq uanga peqataaffigisara ilanngunniarnagu aalajangiinerat kikkut tamat oqaaseqarsinnaanerannik killilersuinerannut ersiutaavoq, Leif Immanuelsen oqarpoq.

Taanna oqarpoq EPI'p siunertarinngikkaa KNR'i tusaamanerlugaatissallugu illuatungaagulli toqqaannartumik aallakaatitsigaangata nipiluppallaartarneranik uparuaaneq ikiuiniarermut tunngassuteqartoq. Minnerunngitsumik ilaasortamik pitsaanerpaanik atugassaqartinnissaat pillugit.

- KNR sermitsiaq.ag'mut aamma oqartissimavaanga, KNR'ip KODA AWARDS'ip nipiluppallaamik aallakaatinneqarneranik isornartorsiornera tassannga qisuarfigineqarsimanngitsoq. Taama oqanngilanga. KNR isornartorsiorpara EPI'mit tusagassiivinnut nalunaarummik ingerlatitseqqinnginneri pillugit. Maanna EPI ersersinniarneqalerpoq KNR'imik isornartorsiuiniaannartutut, tamannali anguniagarinngilarput. Illuatungaani KNR ikiorniaraluarparput taamaasilluni toqqaannartumik aallakaatitsisoqartillugu nipiluttoortarnerujussuaq pinngitsoortalerniassammat. Ilaasortagut ataqqineqartariaqarput imaattariaqanngilarmi KNR'imi nipilutsitsisarneq pissutigalugu nipilersugaat inuiaqatigiinnut taama nipeqarlutik tusarliunneqartarnissaat. Kikkulluunniit ilisimavaat nipilersortartut teknikkikkut atortorissaarutinut pikkorissuusut. KNR'ip tamakku atorsinnaasimasinnaagaluarpai kiisalu nipigissaanissamik siunnersuutaasinnaasut tusaallugit ajortussarsiuinnarlutik naammagittaalliortartutuunngitsoq, Leif Immanuelsen oqarpoq.