Oqallisissiaq: Royal Greenland namminersortunngorsarnagu
Inuit Ataqatigiit politikkikkut oqaaseqartartuata Aqqaluaq B. Egedep oqallisissiami uani Jess G. Berthelsen Sermitsiamut oqaaseqaataanik tapersiivoq, oqarluni Royal Greenlandimik namminersortunngorsaaneq imaaliallaannaq pisinnaanngitsoq. Taama oqarnermigut ersersippaa Karl Lyberth, Siumumeersoq isumaqatiginagu
SIK-p siulittaasuata tugassiorfinnut nalunaarutaa Inuit Ataqatigiinnit ilalerparput. Ingerlatseqatigiiffiit annerusumik minnerusumilluunniit pisortanit pigineqartut, imaaliallaannaq apeqqusiinani namminersortunngorsarniarneqarsinnaanngillat. Nunatsinni inuit sulinermik inuussutissarsiuteqartut amerlassusaat ikiliartortinneqapiluussapput, suliffeqarfiit Royal Greenlanditut ittut namminersortunngortinneqassappata.
Nunarsuatsinni suliffeqarfinni atortulersuutit nutaaliaasut ajornarunnaariartortillugit, maskiinat taassaaleriartorput inuup suliassaannik tigusiartortussaq. Royal Greenland namminersortunngortinneqassappat iluanaarnissamik siunertaqarnissaq sakkortusarneqassaaq, suliffiillu imminut akilersinnaassutsimikkut killeqartut tamarmik atorunnaarsinneqassapput. Tassa imaappoq, inuit sulinermik inuussutissarsiuteqartut suliffissaarunnissaat ilimanaateqarluinnarpoq.
Inuit Ataqatigiit mianernarluinnartutut isigaarput, ingerlatseqatigiiffiit inuiaqatigiittut piginneqataaffigisavut, nunatsinni suliffissaaleqinerup qaffasinnerata nalaani namminersortunngorsarnissaat annertuumik soqutigineqarmat.
Naak pissusiviusut namminneq nalorninartoqartinngikkaat namminersortunngortitsinerup malitsissai qanoq isikkoqassanersut. Pingaartumik Royal Greenland eqqarsaatigalugu.
Inatsisartut ataatsimiinneranni maluginiagassaavoq, ingerlatseqatigiiffiit pillugit naalakkersuisut nassuiaataat sammineqarmat isummat arlallit mianernarluinnartup tungaanut tikkuusinernik ilaqartut. Tamanna ersersitsivoq, inuiaqatigiittut ulluinnarni atukkatta ajorseriaateqanngitsumik qulakkeernissaannut qulakkeerinninnissap qanoq ilusilersugaanissaa, annertuumik nalornisigineqartoq. Tamanna uggornarpoq.
Derfor er det af stor betydning, at vi beholder begge ben på jorden, når vi lufter tanker om noget, der har så stor betydning for os alle. For ikke at drive forholdene ud i en uholdbar situation, må vi folkevalgte arbejde ud fra befolkningens bedste. Hvordan de enkelte selskaber ønskes drevet, må ske ud fra den brede befolknings samlede interesser og ud fra det erfaringsgrundlag, folket har.
SIK-p siulittaasuata tusagassiorfinnut nalunaarummini tunngavilersuutai Inuit Ataqatigiit isumaqatigilluinnarpavut. Tassa pissutsit atukkavut aaqqinneqarnavianngillat Royal Greenland-ip namminersortunngortinnerinnaatigut. Ingerlatseqatigiiffiit piginneqataaffigigatsigit, ullumikkut nunatsinni inuppassuit suliffissanik allatullu iluaquteqarnissaannik qulakkeerunneqarsimapput.
Ingerlatseqatigiiffiit pillugit isummersornissamut Inuit Ataqatigiit piareersimavugut. Oqallinnissaq pisariaqarpoq. Inuiaqatigiittut atukkatta qanoq pitsaassuseqarnissaannik attuumassuteqartut matumani eqqartorpavut.
Aamma ingerlatseqatigiiffiit ataasiakkaat qanoq atugassaqartitsiviunissaat pillugu isummersorneq, inuttut ilisimasat aallaavigalugit sammisariaqarpoq.
Inuiaqatigiittut atukkatta qanoq pitsaassuseqarnissaannik attuumassuteqartut matumani eqqartorpavut. Aamma eqqartorpavut, isummat assigiinngissusaat inuttut ulluinnarni atukkatsinnut qanoq assigiinngitsigisumik sunniuteqassanersut.
Royal Greenland namminersortunngortissallugu piffissaanngilluinnarpoq.
SIK'p siulittaasuata Jess G. Berthelsenip Sermitsiamut oqaaseqaataa atuaruk. Aviisi uani pisiariuk: