Aasianni aningaaserivik qaniluallak
Aningaaseriviit allat ikilisaasut Grønlandsbanken suli siammariartorpoq
Grønlandsbanki, aningaaserivinnut Danmarkimiittunut sanilliullugu inissisimalluarnerpaat akornaniittoq, decembarip 6-ni Aasianni immikkoortortaqarfimmik siunnersortinnissamut sullissivimmik ammaassaaq, tusagassiivinnut allakkami tamanna atuarneqarsinnaavoq.
- Kalaallit Nunaata Aningaaserivia-tut nittarsaannikuunerput malinniarlugu, eqqumaffigaarput sumi ajunnginnerusumik iliuuseqarsinnaalluta, Peter Petersen oqarpoq.
- Immikkoortortaqarfik, Appaaqqamik aterneqartup Grønlandsbankip nutaamik misiliiniarluni, Aasianni immikkoortortaqarfimmik ammaagassaraa. Illoqarfiup qeqqani siunnersortit arfinillit, marlukkaarlutik paarlakaajaattumik Aasianni atuisut sullittassavaat. Appaaraq aningaasanik tingusisinnaananilu tunisisinnaassanngilaq. Taamaattumik Pilersuisoq nalinginnaasumik karsimi sullissineq ingerlateqqissagaa tusagassiivinnut nalunaarummi erserpoq.
- Siullermeerluta Appaaqqamik ammaagatta mianersorpugut, upperaarpulli piffissap ingerlanerani ingerlalluarumaartoq. Soorunami misiliinitsinni paasisavut atorumaarpavut, ilikkakkavut ilinniutigalugit. Misiliinerput toqqammavissaqartoq takusinnaagutsigu, piareeqqavugut annertunerusumik iliuseqarnissatsinnut. 2012-mi aamma 2013-mi misiliineq ingerlanneqassasoq, pisortaq oqarpoq..
Aasianni misiliiniarnerput amerlasuunik peqquteqarpoq.
- Kalaallit Nunaanni illoqarfiit annersaasa tallimaraat, Avannaani qitiusumik ilinniartoqarfiuvoq, uuliasiorniarnermi aallartisarfiuvoq kiisalu sullitatsinniit ukiorpassuarni kissaatigineqartarnikuulluni, tusagassiivinnut allakkakkut Peter Petersen nassuiaavoq.
Aasianni Immikkoortortaqarfissaq pilersaarusiat malillugit decembarip 6-ni ammarumaarpoq.