Tumit Production juullimut ammartagaliussapput
Tumit Production 2012'imi juullimut mappersagaliortussatut NunaFondimit toqqarneqarput
- Juullimut ammartaganngortussaq tassaavoq pissanganartuliaq asannisoornerpalaartortalik, ammartagarlu aamma taaneqarsinnaassalluni paasiniaalluni juullimut ammartagaq, Julianeq Henningsen NunaFondip siulittaasua tusagassiivinnut allappoq.
NunaFondenimiit unammisitsinermut peqataasimasut tamaasa qujaffigerusuppavut, nalileeqataapput Julia Pars, Michael Binzer, Ivalo Egede, Inge Olsvig Brandt, Hans Anthon Lynge aamma Juliane Henningsen.
- TV-kkut juullimut ammartakkamik NunaFondenip soqutiginninneranut atatillugu erseqqissarusunnarpoq juullimut ammarkakkamik aningaasaliineq sinerissami meeqqanut allanullu juullimut NunaFondenip tunissutigimmagu. Naallu KNR-TV-kkut aallakaatinneqartusaagaluartoq imaanngimmat KNR-mut tapiissusiisoqartoq. KNR-TV-kkut aallakaatinneqassaaq KNR-TV tassatuaammaat Nunarput tamakkerlugu ataatsikkut taamatut aallakaatitsisinnaasoq.
- Naggasiullugu eqqaassavarput soorunalimi NunaFondenip ammaffigigaa juullimut ammartakkamut aningaasatigut allat peqatassinnaanerat. Taamaaliorusuttullu NunaFondenimut saaffiginnittariaannaasut. NunaFondenimiit qilanaaraarput juullimut ammartagassap piviusunngortinneqarnissaa, Juliane Henningsen allappoq.
Aappaagu juullimut ammartagaliornissamut unammisitsinermi tallimat peqataapput. Ataatsip kingusinaarluni nassiussisimanera pissutigalugu unammisitsinermi peqataatinneqanngilaq.