Najoqqutassiat pitsaanerpaaq atorlugu eqquigit
Piumasaqaatituaraa tunisassiat nunatsinneersut atornissaat
Tusartarparput imaluunniit puisinit, tuttunit, timmissanillu assigiinngitsunit, aalisakkanit inuussutissanillunniit allanit nerisassiat qanoq mamartigineri. Imaassinnaavoq kaffisoriartorsimasutit mamartorsuarnillu nerillutit isumassarsitinneqarputit namminerluunniit misilittakkatit oqaluttuaraatit. Nerisassiorneq Asiamit, Italiamit nunarpassuarnillu allanit isumassarsitinneqarfigisaq.
Maannakkut nerisassiullammaat eqquiniaqataasinnaalerput, Kommuneqarfik Sermersooq nunatta pissarititai atorlugit nerisassiornermi najoqqutassanik atuakkiulersaarpoq, taanna Nuummi kalaaliminernik tuniniaasarfimmi tuniniarneqassamaarpoq. Eqqarsaataavoq inuit nerisassiornermik najoqqutassiaat atuakkami ilanngunneqassasut.
- Najoqqutassiaatit nassiuguk - imaassinnaavoq illit eqquisutit. Taama Kommuneqarfik Sermersuumi Inuussutissarsiornermik immikkoortortaq kajumissaarivoq.
Innuttaasut najoqqutassianik nassiussaat tiguneqarsimalerpata najoqqutassiat pitsaanerpaat qulit toqqarneqassapput kiisalu narlunngorneq novembarip aallaqqaataa Nuummi kalaaliminernik tuniniaasarfimmi tusarliunneqassapput. Borgmester Asii Chemnitz Narup, najoqqutassiat toqqakkat akornanni makitsinikkut akissarsitinneqassapput.
Unammisitsinermut peqataanissaminnut soqutiginnittut najoqqutassiaminnik nassiussissapput ajornanngippat assitalerlugit uunga: erhverv@sermersooq.gl tallimanngorneq oktobarip 28-at nallertinnagu.