Kujallermi oqaasissaqaqataaneq
Kommune Kujallermi kommunimi innuttaasut pilersaarutit pillugit peqataanerulernissat anguniarlugu qaaqqusivoq
Kommune Kujalleq siunissami qanoq isikkoqassava? Kommune Kujallermi teknikkikkut aqutsisoqarfik Kujallermi kommunimi pilersaarummik nutaamik suliaqarput, kommunalbestyrelsemi novembar 2011 sammineqartussaq.
- Tamanna sioqqullugu siunnersuutit qulequttaat pingaanerit Kommune Kujallermi innuttaasunut, peqatigiiffinnut aammalu inuussutissarsiortunut saqqummiunneqassapput taakkua isumassarsiaat oqaaseqaataallu tusarusullugit. Tamatuma kingorna siunnersuut sapaatit akunnerini arfineq-pingasuni tusarniaassutigineqassaaq, 2012'imi akuerineqarnissaa sioqqullugu. Kommune Kujalliup siunissaa pillugu isumassarsiatit oqaatigikkit! Taama Kommune Kujalliup teknikkikkut immikkoortortaa kommunip nittartagaani allappoq.
Narsami innuttaasut unnummut oktobarip 18'ianni Timersortarfiup Cafeteriaanut na. 19.30 ataatsimiigiaqquneqarput. Nanortalimmi illoqarfiup kulturikkut illuani 19. oktobar nal. 19.30 aggersarneqarput. Taamalu Qaqortumi innuttaasut katersortarfimmi oktobarip 20-ani nal. 19.30 ataatsimiisinneqassapput.