Sanaartornerup iluani sulisut nunanit allaneersut allat
Nuummi atuarfiliornermi sanaartornermik suliallit nunanit allaneersut tallimat sinnillit sulisorineqarput
Inatsisartunut ilaasortaq Malik Berthelsen, Siumut sapaatip akunnerata naanerani nalunaaruteqarpoq kisitsisit inuussutissarsiornermut aatsitassanullu naalakkersuisup Ove Karl Berthelsen, paragraf 37 atorlugu apeqquteqaammut akissutai, nunanit allaneersut Kalaallit Nunaannut suliartornerannut tunngasumi upperinagit.
Malik Berthelsenip uparuaanera pissusissamisoortungavoq.
Nuummi Qinngutsinni atuarfiliornermi sulisitsisup Istak'ip islandimiut sanasut Ove Karl Berthelsenip saqqummiussaanit tallimanit - 2010'mi sulisinnaasutut akuersissummik pisimasunit - amerlanerusut atorneqarput.
Sanaartortitsivik Pihl & Søn'ip ataani islandimiut suliffeqarfiutaat Istak, sanasut islandimiuunerusut atorai, tusarfimmit atiminik taasiumanngitsumit ilisimavarput. Taxanik ingerlatitsisartoq tassunga ilanngullugu oqaaseqarpoq "2010'mi nammineq tallimanit amerlanerujussuit Qinngutsinni najugaqarfiannit/nut ignerlaattarlugit".
Inunnut suliffeqarnermik pingaartumik sanaartornermik attuumassutilinnut tupinnarpallaarnavianngilaq sanaartornermi tassani islandimiut sanasut annermik atorneqarmata, soorlu tusarfiit taakku aamma oqartut Istak Radiofjeldimi meeqqanik paaqqinnittarfilioramik, sanasut islandimiut atorsimagaat.
Malik Berthelsenip paasissutissanik uparuaaneranut ilanngullugu soqutiginassaaq paasissallugu Istak'imit nunatsinni isumaqatigiissutit malinneqartarnersut. Pingaartumik Danmarkimi sanaartornermik ingerlatsineq qiviassagaanni Istak'ip tamaani maleruagassanik malinnissimannginnera soorlu uani allaatigisami takuneqarsinnaavoq: http://forsiden.3f.dk/article/20110209/NYHEDER/110209892