Najaaraq Nanortalimmi ataataminut katersisoq

Najaaraq Nanortalimmiu, illoqarfittut ikinngutigisamut qanittumi katersuiniarnerminut ikioqqussummik nassiussaqarpoq, angutaata umiatsiani, motorini piniutinilu annaassimavai, umiatsiami tillinneqarnerata kingornalu kivisinneqarnerata kingorna. Angutaata piniutini pinngitsoorsinnaanngilai, taakku inuussutissarsiutigigamigit aammalu piniartunngorumaartussanik ilinniartitsinermini atortorigamigit.

Jens Glindorf Christensen taassumalu Roskildemi ilaqutai qinnut tusaavaat namminnerlu katersimermik aallartitsillutik.

Jens Glindforf Christensen, ilisarisimasaminut mail'ikkut allappoq:

Katersuiniarneq aamma Kajumissaarut (Nanortalik)

Uummatigissunut kikkunnulluunniit

Oqaluttuassartaa:

Roskilde, Kalaalllit Nunaanni illoqarfittut Nanortalimmik ikinnguteqartoq ukiorpassuanngortuni ukiut tamaasa Kalaallit Nunaata kujaterpiaanit 7. klassinit tikeraarneqartarpoq. Atuartut tikeraat sapaatit akunneri pingasut Roskildemi ilaqutariinni najugaqartarput.

1995'mi Najaaqqamit taamani 12'nik ukiulimmik tikeraarteqarpugut, taaamanili qanimut attaveqaqatigiippugut. Tamatuma kingorna piffissaq sivisunerusoq aggertarpoq aammalu pulaaginnarluni orniguttarluni. Suli Nanortalimmi najugaqarpoq aappani meerartillu ilagalugit. Najaaqqap ilaqutai qangatut piniartutut inuupput, piniakkatik inuuniutissatuaralugit.

Najaaqqap pisoq sakkortooq alianartorlu pillugu uagutsinnut eqqartuivoq, inuusuttut marluk umiarsualivimmi umiatsiamik aallarussinermik kingorna inuunerminnik annaasaqarnerat pillugu. Umiatsiaq motoorilik piniutinillu allanik imalik Najaaqqap angutaata pigisai kivipput, piniartutullu inuunermik tunngavianik arsaarneqarluni.

Najaaqqap kajumissaarutaa atuaruk:

"Ataataga novembarip pingajuanni 50'inik ukioqalissaaq. 14'inilli ukioqarluni piniarnermik aalisarnermillu inuussutissarsiuteqalerpoq. Angallatini inuunermini pisariaqartilluinnarpaa, taanna atorlugu pinngitsoorsinnaanngisani pissarsiarisaramigit. Kisianni aallarsinnaajunnaarpoq patsiseqavilluni.

Oktobarip 13'iani ullaakkut paasivaa angallatini aallarunneqarsimasoq taannalu qerrut akornanni nanivaa ingiulinnit sakkortuunit nunamut kalluguttarsimalluni sequmivissimasoq. Isiginnaaginnarsinnaava umiatsiaq ingiulinnit kalluguttarneqarluni sequmikkiartuaartoq. Anorleqimmat qanoq iliortoqarsinnaanngilaq. Oktobarip 14'ianni politiit angallataat umiatsiap tungaanut ingerlavoq. Umiatsiarli atorsinnaajunnaarsimavoq, soorlu motori atorsinnaajunnaarsimasoq. Inuusuttuaqqallu umiatsiamik aallarussisimasut ajoraluartumik suli nanineqanngillat.

Paniusutut pisussaasorivunga ataatama inuussutissarsiuumminik aallartitseqqinnissaanut ikiuuttariaqarlunga. Iluatsissappat iluatsissanngippalluunniit. Misilittariaqarparali. Taamaattumik allaffigaassi neriullunga ataatannik tapersersuerusuttut amerlanerpaanngorniassammata, aalisartutut piniartutullu inuunerminik aallartitseqqinniassammat, taamaasillutik angajoqqaama atugai allanngorpallaanngikkaluarlutik inuunerminnik nangitsiniassammata.

Ataatama piniartuunermik kulturi ingerlanneqaannarnissaa pillugu inuusuttunik ilinniartitsisarpoq upernaakkut natsersuit nalaanni kippaqateqarluni. Ataatap pisap tamakkerluni atorneqarnissaannik ilinniartitsisarpoq, pisallu qanoq iliorneqartarnerinik. Ullumi oktobarip 15'iat appanniarneq aallartippoq inuussutissanik akissarsiorfiulluartartoq piniariarsinnaanngilarli!

---------------

Asasakka ikinngutit attaveqarfiillu.

Ikiortigut ilaqutariit kalaallit ikiorniassagatsigit.

Bankimi konto ammarparput neriulluta amerlasuut ... Roskildemi najugallit allallu inuit uummatigissut ilissilu attaveqarfigisasi inuit Najaaqqap angutaanut aningaasanik pissarsiniarnitsinni- taamaasilluni sukkanerpaaq atorlugu umiatsiamik nutaamik, motoorimik piniutinillu pissarsipallanniassammat - inuussutissarsiumminillu nangitsilluni - ilaqutaanut inunnullu allanut iluaqqutaasussamut.

Facebook'ikkut aamma aallartitsissaagut siammarneruniassagatta. Tassani katersuiniarneq pillugu paasissutissiillattaassuugut - katersuiniarneq novembarip 15'iata tungaanut ingerassaaq APPEL-Nanortalik atorlugu nanineqarsinnaalluni.

---------------
Bankkonto: 9173-4783854546 - Ikisigussi nalunaaqqutsissavarsi “Nanortalik”

Qujanaq misiginneqataanissinnut!

Asannittumik inuulluaqqusilluta ilaqutariit sinnerlugit

Anni og Jens Glindorf Christensen (tel. 40 74 27 72)

PS.

Aningaasanik katersineq umiatsiamut, motorimut piniutinullu atugassanit amerlanerussagaluarpata sinneruttut ilaqutariinnut meeqqaminnik annaassaqartunut ingerlatinneqassapput.