Nunat tamalaat akornanni kiffartuussinermik sulialik Nunatsinni immikkoortortalik

Nunat tamalaat akornanni kiffartuussiviit angisuut G4S aamma ISS suleqatigiilersut, tamarmik suliffeqarfitsik Københavnimi aallartisarpaat.

Suliffeqarfiit tamarmik 1901'mi pigaartartunik 20'nik sulisoqartut maanna nunarsuaq tamaat millionit sinnerlugit sulisoqarput. ISS Grønland A/S 250 sulisoqarpoq.

Tuluit-danskillu suliffeqarfiutaata G4S'ip ISS pisiarippagu 44 milliardinik akeqassaaq, tamatuma saniatigut isumaqarpoq G4S Londonimi qullersaqarfeqaannassasoq.

Kisianni nunani 44'ni suliffeqarfiit immikkoortortaqarfigisaanni allaffissornermik suliallit amerlasuut atorunnaarsinneqartut, G4S'ip siulittaasua Alf Duch-Pedersen ilisimatitsivoq. Taassumalli oqaatigisinnaanngilaa tamanna Danmarkimi immikkoortortamut qanoq sunniuteqassasoq.

G4S'ip ISS'imik pisinerata kingorna sivisuumik unammilleqatigiinnik eqqarsaatersuutaasimasut unitsinneqarput. ISS'imi siulersuisut siulittaasuata Ole Andersen qilanaaraa, suliffeqarfissuit taakku marluk ataatsimoortinneqalernerat.

- ISS aamma G4S imminnut akuleruussinneri suliffissuaqarneq aamma kulturi eqqarsaatigalugu tulluarluinnarpoq. Suliffeqarfissuit marluullutik suliassaqarfiulersinnaasuni imminnut nittarsarsinnanerat pitsaanerulissaaq, taanna oqarpoq.

Sivisuumik tusatsiagaanikuuvoq ISS børsenimi allassimasuuleqqissasoq. Marsip qaammataani ISS'imik piginnittut, kapitalfondene EQT aamma Goldman Sachs børsimi allassimaqqilernissamik pilersaarutaagaluatik taamaatiinnarpaat nunarsuarmi aningaasarsiornerup iluani aalassassimaarneq pissutigalugu.

Nalilersuisartut arlallit taamani naliliipput, børsmi allassimasuulernerup nassataanik ISS 46-51 milliard koruuninik naleqassangatinneqassasoq. Tassa maannakkut tunineqarnerminit nalitunermik.

Eqqoriarneqarpoq aki Apex Partners'ip neqeroorutigisimasaraluanit appasinnerusoq, taanna ISS januaari qaammat ukioq manna itigartippaa. Tusatsiakkanit paasivarput taakkua kiffartuussivissuarmik pisiniarlutik 48 milliard koruunit atorusussimagaluaraat.

Suliffeqarfiulersoq nutaaq nunarsuarmi upalungaarsimanermik kiffartuussinermillu suliallit annersarilissavaat nunani 130'ni millionit sinnerlugit sulisoqarpoq, ilaatigut nunatsinni.

Suliffeqarfiulersussami aqutsisut soorunami tassaassapput G4s'ip pisortaanera aningaasaqarnermullu pisortaa, ISS'ip maannamut pisortaanera

suliffeqarfissuup europami ingerlataanik siulersuissaaq.

Aktiat nutaat Londonimi Københavnimilu allattugaataalissapput. Naliliisartut ilaannut niueqatigiinneq taanna tupaallaataaqaaq.

- Niueqatigiinnerup taassuma takunissaa ilimaginngikkaluarpara, Sydbankimi nalilersuisartoq Søren Løntoft Hansen, Ritzau Finansimut oqarpoq.

- Takorloorsimanngikkaluarpara ISS allanit pisiarineqassasoq, kisianni børsimi allattugaataalissasoq takorloorsimallugu, taanna oqarpoq.

ISS Grønland A/S 250'inik sulisulik Kalaallit Nunaanni suliffeqarfiit namminersortut annersaraat aammalu nunatsinni eqqiaanermik suliallit siuttoralugu.

ISS Grønland A/S illoqarfinni arfineq-marlunni immikkoortortaqarfeqarpoq kiffartuussinernilu suliassat soorlu eqqiaanerit, nutserinerit, suliffeqarfissuit ajoqusersimasullu kiffartuuttarlugit, illuutinik suliassat, qatserinerit annaassiniarnerit upalungaarsimanermullu tunngasut allat suliarisarlugit.