Erinarsorneq saxofonilu
Danskit nipilersoqatigiit marlunnik inuttallit Sisimiunut aamma Ilulissanut angalapput immaqa aamma Sarfannguaq tikissavaat
Der er glad og levende klassisk musik på vej til børn og familier i Grønland. Kalaallit Nunaanni meeqqat ilaqutariillu erinniarsuarnik nuannersunik tusarnaarnissaminnut periarfissinneqassapput.
Ulluni qulini nipilersoqatigiit marlunnik inuttalik Duo Saxopran nunatsinni angalassapput, siullermik Sisimiuni Taseralimmi atuartunut inersimasunullu tusarnaartitsissallutik. Nipilersortartut marluk nunaqarfik Sarfannguit tusarnaartitsivigiartussallugu pilersaarput, sila ajunngippat iluatsissallugu. Tamatuma kingorna Ilulissat aamma Qeqertarsuit tikeraarneqassallutik.
Duo Saxopran danskinik marlunnik inuussutissarsiutigalugu nipilersortartunik inuttaqarpoq, sopranimik erinarsortartoq Rebecca Persson aamma erinniarsuarnik atuilluni saxofonertartoq Jeanette Balland. Nunarsuarmi kisiartaallutik taama aaqqissuussaallutik nipilersoqatigiittarput. Taama nipilersortartut marluk tusagassiivinnut ilisaritipput.
Issittumik asasallit
- Oqaatsit aammalu kulturikkut Danmarkip Kalaallillu nunaata akornanni qilerutip nukittorsarnissaa kissaatigaarput, pingaartumik meeqqat inuusuttullu aammalu nunaqarfinni mikisuni najugallit nipilersortartunik naapitsinissaat pingaartillutigu, Rebecca Persson aamma Jeanette Balland oqarput.
Duo Saxopran meeqqanut tusarnaartitsissutertik "Himmelglans" Danmarkimi 300-riarlutik aliikkusersuissutigaat, saniatigut arlaleriarlutik Islandimi, Savalimmiuni aamma Kalaallit Nunaanni (Nuuk aammaa Ilulissat) 2007. Nipilersoqatigiit issittumik aammami nunani avannarlerni pinngortitamut nuannarinnittuunerat isertorneqarsinnaanngilaq!
- Kalaallit Nunaanni tusarnaariartussagut erinniarsuarnik nipilersukkanillu nunanit avannaaneersunik kissalaartumik nuannersumillu tusarnaartikkusuppagut pingaarniakujugata. Kalaallit Nunaanni tusarnaariartussat, nipilersornermik ilinniarfiit aamma nipilersortartut allat attaveqarfiginissaat paarlaasseqatiginissaallu pingaartippagut, Rebecca Persson aamma Jeanette Balland. oqarput.
Himmelglans meeqqanut
Nipilersoqatigiit meeqqanut tusarnaagassiaanni "Himmelglans", nipinik, qilammik aammalu erinarsortup angakkuartartutut atisaata silarsuaanni paasisassarsiorneruvoq. Pakkalukkat aamma inngilit nipilersuutip suluisutullusooq tusarsaajumaarput, aamma Carmen naapinneqassaaq kiisalu jordbærit quperluat ittoortoq.
Meeqqat namminneq nipitik tusaaniassavaat ataatsikkut erinarsoqatigiinnerni, timip aamma nipip sungiusartinneranni misigalugulu oqaatsit taalliortorpalaartut qanoq mamartiginersut soorluli nutaatut ilillutik immikkut piginnaaneqalertarneri, saxofonip nipaanik akuneqaraangamik.
Tusarnaartitsinermi nipilersukkat atorneqartussat danskit erinarsuutitoqaanniit nipilersukkanik nutaarluinnarnik akoqassapput nipi qataatsoq C akuliullugu. Isiginnaagassiaq ilivitsoq quianarluinnartunik akulik, pikkorissunik nipilersortulik takorlooruminartunik oqaluttuartalik, allaat mikinerpaat uninngaveqarpianngitsut ingisillugit tusarnaarsinnaasaat takorluuilersitsisinnaasorlu.
Himmelglas tusarnaagassiaavoq nuannaartumik eqiingasumillu nipilik, nipilersortut marluk quiassuarlutik tusarnaartullu peqatigalugit danskit erinarsuutaat, avannaamiut nipilersugaat nutaaliat, nipi C aamma saxofonit assigiinngitsut pingasut atorlugit angalaarfigisinnaasaat. Tusarnaartitsinerup ingerlanerani tusarnaariat erinarsoqataasinnaapput, timiminnik aalatitsillutik aammalu illarlutik.
Avannaamiut immikkoorutaat
Saxofonip nipaa ersarissoq tusarnaarlugu immikkuullarissumik misigisassaqartarpoq aamma erinarsortartoq oqaluttualiatullusooq nipilik tusaallugit nipilersornerup silarsuaani immikkuullarissoq misigisassaavoq, erinnat sanngiippaluttuniit sakkortuut atorneqassammata. Duo Saxopran nipilersukkat atugassamik suuneri nassuiaatiginissaat pingaartittorujussuuaat tusarnaartitsinerullu ingerlanerani aliikkusersuiitigalutik nassuiaasarlutik.
Duo Saxopran ilaqutariinnut tusarnaartitstinerminni erinnat nunanit avannarlerneersut nutaat atussavaat, taamakku erinniortunit nunani avannarlerneersunit nipilersoqatigiinnut sanaajupput, aammalu danskit erinarsuutaat tussiutaallu arlallit atussavaat. Tusarnaariartussat saxofonit assigiinngitsut pingasut nipaat tusaassavaat.
Nipilersortartut eqiingasut marluk
Jeanette Balland, Danmarkimi erinniarsuarnik saxofonertartut nuimanersaasa ilagaat, taanna kisimiilluni peqateqarluni nipilersoqatigiissuarnilu tusarnaartitsisarpoq. Nipilersugassiarsuit qassiit tusarnaartitsissutigeqqaarnikuuai, Det Kgl. Kapelimi aamma DR Radiosymfoniorkestremi saxofonertussatut siullertut toqqagaasarluni.
Dansk Komponist Forenings Musikerpris 2004-mi nersornaasigaavoq aamma Musikanmelderringens Kunstnerpris 2004-mi pissarsiaralugu kiisalu 2005-imi Gladsaxe Musikpris.
Rebecca Persson, qataanneq, Det Kongelige Danske Musikkonservatorium'imi ilinniagaqarpoq. Taanna danskit erinarsugassiaannik aammalu nipilersugassiani nutaaliani erinarsortuusarpoq. Savalimmiuni opera siulleq takutinneqaqqaassammat qataannerup erinarsugassai atorpai.
www.DenDanskeSang.dk annertunerusumik paasisassarsiorfiusinnaavoq.
Qaqugukkulluunniit meeqqat
Tamakkua saniatigut Rebecca Persson atuakkiaqarpoq “BABY – 100% naturlig uden tilsætning”, Politikkens Forlag aqqutigalu upernaaq saqqummersinneqarpoq. Tassa eqqartorpagut nipilersortartut marluk meeqqanut uummatillit - marluullutillumi nunatisnni nipilersoriarnissaminnut panilisassamaarput.
Duo Saxopran Taseralik Kulturhus, Sisimiut, pingasunngorneq oktobarip 19-iat nal. 19.00 aamma Sermermiut Kulturhus, Ilulissat, pingasunngorneq oktobarip 26-at nal. 19.30 tusarnaartitsissapput.