Ilaqutariit ornittagassaat sananeqalersoq

Borgmester Jess Svane pingasunngornermi nunamik nivariaqqaarpoq siunissami ilaqutariit atugarissaarnerunissaat anguniarlugu

Jess Svane, nunami assaalluni sanaartornermik aallartitsivoq. Assi: Qaasuitsup Kommunia Jess Svane tusagassiivinnut oqaluttuarpoq sooq Ilulissani ilaqutariit ornittagassaat pisariaqartinneqarnersoq. Assi: Qaasuitsup kommunia

Pingasunngormat Ilulissani ilaqutariit ornittagassaat sanallugu aallartippaat, taanna aqqutigalugu Qaasuitsup Kommuniani ilaqutariinnik sullissineq nukittorsarneqassaaq.

Ilulissani ilaqutariit ornittagassaat ukiuni arlalinni pilersinniarneqartoq sananeqarsinnaalerpoq Villum Fonden, Velux-fondip ilaanniittoq aammalu Den A.P. Møllerske støttefond'ip tapiissuteqarnerisa kingorna.

Ilaqutariit ornittagassaat naammassippat Ilulissani ilaqutariinnut aammalu pinaveersaartitsinermut qitiussaaq taamalu kommunip inoqarfiini tamanut taama atuulluni.

Kommunip borgmesteria Jess Svane, nivattaassuarmik nivariaqqaarpoq, nuna qerimmat nivaataannaat atorneqarsinnaanngimmata.

Ilaqutariit ornittagassaat aamma kommunimi pinaveersaartitsineq pillugu qaasuitsup.gl iserfigalugu annertunerusumik

paasissutissinneqassaatit.

Powered by Labrador CMS