Brian Buus atorfimminit tunuarpoq

Siulersuisut siulittaasuata Agner N. Mark'ip, Brian Buus Pedersen'ip soraarnera pillugu paasissutissiinera annikippoq. Naluarput suliffimminit soraarsitaanersoq imaluunniit nammineq atorfimmit soraarnersoq.

Qaammatip ataatsip matuma siornatigut ilisimatitsissutigineqarpoq, Brian Buus Pedersen, stresserpallaarnini pissutigalugu qaammatini pingasuni napparsimasutut sulinngiffeqartoq, taamaattumillu aningaasaqarnermut pisortaq Steen Montgomery-Andersen pisortaanertut issiagallartoq.

Brian Buus'ip atorfimmit tunuarneranut paasissutissat suliffeqarfissuup nittartagaatigut maannamuugallartoq tusarliunneqartoq tassatuaavoq, Brian Buus Pedersen, Tele Greenland A/S'imit pisortaanertut atorfimminit tunuarnera. Ulloq soraarfissaa aamma ilisimatitsissutigineqarsimanngilaq.

Erseqqissaatigineqarporli atorfimmit tunuarnermut tunngaviit ilisimatitsissutigineqassanngitsut.

Ilisimatitsissut siulersuisut siulittaasuannit Agner N. Mark'imit atsiugaavoq.

Brian Buus Pedersen, atofini piitsuulluni qimannavianngilaaq.

Tele Greenlandip 2010'mi ukiumoortumik nalunaarusiaani takuneqarsinnaavoq, Brian Buus Pedersen'ip 2010-mi aningaasarsiai 2,78 million koruuniusut, Brian Buus Pedersenilu soraarsitaassagaluaruni ukiuni marlunni akissarsiaqartinneqartussaasoq. Taakkua saniatigut pissutsit atuuttut tunngavigalugit ukiup ataatsip ukiulluunniit aappaa avillugu akissarsiaqartinneqassaaq. Taamaalilluni oqartoqarsinnaavoq soraarnermigut 9,7 million koruuninik inuulluaqqussutisissasoq.

En forudsætning for dette er dog, a direktøren "ikke væsentligt har misligeholddt ansættelsesforholdet", fremgår det af Tele Greenlands årsrapport. Taamali pisoqassappat pisortap atorfeqarnermik isumaqatigiissut naapertorlugu soraarniuteqarsimassaaq, taakku Tele Greenlandip ukiumoortumi naatsorsuutaani atuarneqarsinnaapput.

Brian Buus Pedersen, juulip aallaqqaataa 2004 pisortaanertut atorfinitsinneqarpoq, Anton M. Christoffersen taarserlugu, taamani suliffeqarfissuarmi sulisut utoqqalisut inuusunnernik taarserneqarnissaannik pilersaarutaasimasoq naapertorlugu.

Brian Buus Pedersen, Kalaallit Nunaannut 1989 pivoq, Aningaasaqarnermik pisortaqarfimmi pilersaarusiornermi sulialinni allaffimmiunngorluni, kingorna Inatsisartut allattoqarfianni politikki-aningaasaqarnermillu allaffeqarfik pisortaaffigilerlugu.

Brian Buus Pedersen, 1995 TELE Greenlandimi atorfinippoq, piffissamili 1998 - 2002 Canadamiippoq MBA-mik ilinniagaqarluni.

Brian Buus Pedersen, 51'nik ukioqarpoq Århus Universitetimit 1988'mi Cand. Scient. Pol. ilinniakkani naammassivaa aammalu Master of Business Administration, University of Ottawa, Canada i 2001'imi naammassillugu.