Kultureqarnermut ataatsimiititaliaq KNR'imut
Kultureqarnermut, Ilinniartitaanermut, Ilisimatusarnermut, Ilageeqarnermullu Ataatsimiititaliaq, KNR-imut paasisassarsiorluni pulaassaaq, paasiniarlugu sooq KNR taamarujussuaq sipaartariaqarnersoq
KNR'ip aningaasatigut sipaartuartariaqarnerata kingunerisaanik sulisuni arlallit issatsiaq soraarsippai.
Manna politikkerit namminneq isiminnik takorusulerpaat sooq KNR taama sipaartariaqartiginersoq suunillu tamanna kinguneqarsinnaanersoq.
Ataatsimiititaliap, ataatsimiinnermi ulloq 14. oktober 2011 aalajangerpaa piaartumik KNR-imut paasisassarsiorluni pulaarnissani.
Paasisassarsiorluni pulaarnermi siunertarineqarpoq, piffissami kingullermi KNR-imi sipaarutissatut tusarliunneqartut taakkualu kingunissaat tusagassiuutini sammineqarnerat, Inatsisartunit tusagasiiivinnut nalunaarummi erserpoq.
Paasisassarsiorluni pulaarnermi apeqqutinik nutaanik saqqummertoqassappat, imaluunniit ajornartorsiutinik aalajangersimasunik annertunerusunik itisiliiumasoqassappat ataatsimiititaliaq aalajangerpoq Kultureqarnermut, Ilinniartitaanermut, Ilisimatusarnermut, Ilageeqarnermullu Naalakkersuisoq Mimi Karlsen isumasioqatigineqarnissaanut aggersassallugu.
Kultureqarnermut, Ilinniartitaanermut, Ilisimatusarnermut, Ilageeqarnermullu Ataatsimiititaliaq makkunannga inuttaqarpoq: Jane Petersen (IA), siulittaasoq, Andreas Uldum (Demokraterne), siulittaasup tullia, Hans Aronsen (IA), Ruth Heilmann (Siumut) aamma Aleqa Hammond (Siumut),