Nuannarinnilluartunut qissattariarneq

Takornariat nunat allamiut kuummik namminerluinnaq qissattarfissaminnik pisisinnaapput

Udenlandske lystfikskere skal kunne købe sig fred for andre lystfiskere. Foto: Leiff Josefsen

Kalaallit Nunaata timersuutigalugu qissattariartarfittut tusaamaneqarnera ajoquserluinnarsinnaavoq, takornariat timersuutigalugu qissattariartartut kuummut pigaangata, takornarianut timersuutigalugu qissattariartartunut allanut qissattarfiusinnaasumut.

Nunani allani timersuutigalugu qissattartartut aalisarsinnaanermik pisisinnaapput, takornartat aliikkutaralugu qissattartut qissattaqatiginagit.

Takornariaqarnermik ingerlatsisut nunatsinnut takornarianut timersuutigalugu eqalunniarlutik qissattartartunut atugassarisat pitsaanerusut ujartorpaat, tamannalu peqatigalugu oqaluuserineqarsimavoq nunatsinni inuiaqatigiit aningaasarsiornerat annertunerusumik pissarsisinnaavoq eqaluppassuit atornerisigut.

Aalisarnermut, piniarnermut nunalerinermullu naalakkersuisup Ane Hansenip, Inuit Ataqatigiit, ataatsikkut marluk pisarissavai, aliikkutaralugu aalisarnermut akuersissuteqarnissamik inatsisissatut siunnersuut sisamanngorpat ualikkut inatsisartuni saaqqummiukkuniuk.

Nunat takornariartarfiit, nunatta imminut sanilliussinnaasai, takornarianik timersuutigalugu qissattariartartunik kaaviiaartitsisartorujussuupput. Nunatsinni sumiiffiit ilaanni takornariaqarnermik pitsaasumik ineriartortoqarsimavoq, tamakkunani nunat allamiunut takornarianut timersuutigalugu qissattariartartunut eqalunniarnermik aaqqissuussiffiusartuni, inatsisissatulli siunnersuut malillugu kuunni ikittuni immikkut toqqakkani timersuutigalugu qissattariarneq immikkut ittoq neqeroorutigineqarsinnaalissaaq, tamakkununnga akuersissutilik ataasiinnaassalluni, taassumalu aalajangertassavaa takornariat nunat allamiut kikkut kuummut qissattariarsinnaanersut.

Naalakkersuisut anguniagaraat inatsit piffissamut sivisuumuyt ineriartortitsinermi alloriarnert siullersarissagaat, tamatumani nunaqavissut takornariaqarnermik ingerlatsisut takornarianik timersuutigalugu qissattariartartunik kaaviiaartitsinermik suliassaqartitsinermillu pilersitsissallutik. Inatsisissatut siunnersuut malillugu takornariaqarnermik ingerlatsisut kuummut akuersissummik tunineqartut, nunat allamiumut aliikkutaralugu qissattariartumut ullormut landskarsimut 150 koruuninik akiliisassapput.

Nunalli allamiut aliikkutaralugu qissattariartut, kuummut kisermaassinissamik pisisut, kisimiillutik kuuk atortarniavianngilaat, tassani aalisartut nuanqavissut eqalunniartartut inatsimmik nutaamik eqqorneqarnavianngimmata.
Inuit, Kalaallit Nunaanni najugallit nunatsinni kuunni tamani suli aalisarsinnaapput - aalisarnissamulli killiliissutit, assersuutigalugu kommunip eqqissisimatitsinera, eqqarsaatigalugit.

Powered by Labrador CMS