Akutaaneq Kreutzmann Vejlemi pikkorinnersaavoq

Akutaaneq Kreutzmann unamminerup immikkoortuani siullermi minutsit 18-it ingerlareersut aatsaat isertinneqarpoq Odensep timersortarfiani qallunaanut 1. divisionimiittunut HC Fyn aamma Vejle Håndbold unammimmata nalorninaatsumik arsarluarnerpaasoq

Akutaaneq Kreutzmann spillede en flot kamp. Knud Fl. Larsen Akutaaneq Kreutzmann mellem sine overmænd Minik Dahl Høegh og Jakob Larsen. Foto: Knud Fl. Larsen Den danske landsholdsspiller Lars Christiansen fulgte spændt opgøret i Odense med de grønlandske landsholdsspillere. Knud Fl. Larsen

Akutaaneq Kreutzmann tallimanik ajuuppoq, assersuilluarluni, titarnerup killinganiittumut tunniussilluartarluni spaatiummat Odensep timersortarfiani Vejle Håndbold HC Fynimu tunammimmat.

Akutaanermut Vejlemullu tamanna ajugaanissamut naammanngilaq. HC Fyn Minik Dahl Høeghimik Jakob Larseninimillu unammisoqarto 20-18-imik ajugaavoq.

Akutaaneq Kreutzmann ajoqusersimanermigut Ringstedimi nunanut allanut unammisartunut aamma peqataanngitsoq Odensemi unamminissap tungaanut annertunerusumik sungiusarsimanngilaq.

- Taassuma saniatigut aatsaat unamminerup immikkoortuani siullermi kingusissukkut isertinneqarpunga, ajunnissamullu periarfissarpassuit sapangippavut, taamaalilluta ajugaanata, unamminerup kingorna Akutaaneq Kreutzmann pakatsisimalluni oqarpoq.

Unammineq arsarluarnermiit pissanganarneruvoq. HC Fyn aallartilluarpoq 3-0-imik siuarami 4-1-imillu, Vejle Håndbold aallartinniaasaartoq, unamminerullu immikkoortuani siullermi 11-10-mik siuarlutik.

Unamminerup immikkoortuata aappaa naligiittupilussuupput. Vejle Håndbold pioffissap ilaani 17-14-imik siuarpoq ajugaassangatinneqalerluni. Tamannali HC Fynip kissaatiginngilaa, kalaallinilu Jakob Larsenip pingasunik ajuulluni 18-18-imik inissisimatilermagit MInik Dahl Høeghilu marlunnik isertitsilluni HC Fyn 20-18-imik ajugaavoq. Naallu Minik Dahl Høegh unamminerni kingullerni angusamisut unammilluartiginnikkaluarluni arfinilinnik isertitsivoq.

Faaborg HK HC Fyn-inngormalli tamanna Odensemi unamminerit siullersaraat, taannalu siunissami angerlarsimaffigilissallugu, Faaborgimilu aamma angerlarsimaffeqarlutik.

- Ajugaanerput pingaarluinnarpoq, unamminerup kingorna Jakob Larsen oqarpoq.

- Unammineq siulliugaluarpoq Odensemi ingerlanneqartoq, taamaattoq isiginnaariat 650-iummata misigisaavoq nuannersoq. Eqqaamasariaqarpoq Odensep angutit assammik arsartartunik pikkorissunik takuniaanissartik puigorsimagaat. Taamaattumik nuannaarutigeqaarput TV2 Fynip unammineq aallakaatimmagu. Juullertinnagu HC Fyn Odensep timersortarfiani unammeqqissaaq.

HC Fynip ajugaanermikkut divisionimi nr. 6-iupput arfinilinnik pointeqarlutik. Odder HB Aqqaluk Sørensenilu sapaatiummat Fredericiami FHK Elitemut 31-22-mik ajugaanermikkut divisionimi siuttuupput.

Powered by Labrador CMS