Suna ilumoorpa
Aleqa Hammond ilinniartitsisut piffissaq atuartitsinermut atortagaat eqqortoq paaserusuppaa
Ilinniartitsisut kattuffiata siulitaasua Sivso Dorpf oqarpoq, ilinniartitsisut ilinniartitsisussaanerat suliffimmi isumaqatigiissut naapertorlugu 41 procentiusoq, ilinniartitaanermut naalakkersuisoq Palle Christiansen oqarpoq, isumaqatigiissut naapertorlugu sulinerup nalaani piffissaq ilinniartitsiffiusoq 28 procentiusoq.
Maanna Siumup siulittaasua Aleqa Hammond kisitsisinik eqqortunik paasitinneqarusulerpoq naalakkersuisullu aperalugit kina eqqortumik oqalunnersoq.
Apeqquteqaammat tunuliaqutaavoq naalakkersuisut Inatsisartunut eqqortumik paasissutissiissussaanerat.
- Naalakkersuisut kisitsisinik saqqummiussipput ilinniartitsisut piffissaq atuartitsivissaat pillugu, taakkuli ilinniartitsisut kattuffiata IMAK'ip nammineq kisitsisaataannut naapertuutinngillat. Kissaatigaara kisitsisit eqqortut saqqummiunneqarnissaat, Aleqa Hammond oqarpoq.