Piffissaq atuartitsiviusoq paatsuungatitsivoq
Ilinniartitsisut kattuffiata siulittaasuat aamma Naalakkersuisut kisitsillaqqinneqqisaapput
Ilinniartitsisut sulinermik nalaanni kinguaatta saavani ilisimasassanik nutaanik immersuineranni piffissap 28 procentia imaluunniit 41 procentia atorneqartarpa?
Apeqqut taanna uunaaluttuinnaavoq. Tamanna aallartippoq Ilinniartitaanermut Ilisimatusarnermullu naalakkersuisoq pingasunngormat apeqquteqarfigineqarsinnaanermi nalaani akimmat, ilinniartitsisut sulinermik nalaanni piffissap 28 procentia atuartitsinermut atortaraat.
IMAK´ip siulittaasua, Sivso Dorph nikutserpoq tusagassiivinnut nalunaarusiorniarluni, tassani Palle Christiansen nunatta oqaluttarfiata pingaarnersaanit sallullugu oqalunnerarlugu.
- Naalakkersuisoq naqqikkikkusupparput, piffissami suliffiusussamik isumaqatigiissuterput atuuttoq naapertorlugu, ilinniartitsisut suliffimmi piffissarititaasup 41 procentia atuartitsinermut atortarpaat, suliassanik allanik suliassinneqarsimanngikkunik, IMAK'ip siuliuttaasua Sivso Dorph tusagassiivinnut allappoq.
Ilinniartitaanermi Ilisimatusarnermillu pisortaqarfiup pisortaa Mikael Kristensen aamma ilannguppoq ilinniartitsisut paatsoorsimanerarlugit kattuffiup siulittaasua naqqillugu, ilaasortat piffissaq qanoq sivisutigisoq atuartitsinermut atortarneraat.
Ukiumi atuarfiusumi 2010/11 ilinniartitsisut 28,1 procentii, ukiumi atuartitsiffiusumi tiimissarisat suliffigaat, Mikael Kristensenip kisitsineq ataaniittoq atorlugu tamanna uppernarsarpaa:
- Kalaallit Nunaanni meeqqat atuarfiat 2010-2011 tunngavissarsiorfigalugu, procentinngortitaq ataani kisitseriaat atorlugu inerniliunneqarsinnaavoq.
• 770.406,31 lærerløntimit atuartisinermut, 1.199.031,80 lærerløntimit suliassanut nalinginnaasunut namminerlu suliassanut kiisalu sulinngiffinnut nalliuttunullu, 770.406,31 lærerløntimit piareersarnernut (faktor 2); katillugit 2.739.844,42 lærerløntimit.
• 2.739.844,42 lærerløntimit assigaat 1317 ukiumut suliat (2.739.844,42/2080)
• 770.406,31 lærerløntimit atuartitsinermut asiigaa 28,1 % ukiumut lærerløntimetalit ilanngaataat tassaasoq 2.739.844,42 timit (770.406,31*100/2.739.844,42), Mikael Kristensen tusagassiivinnut allappoq.