Gintberg illaqatigaajuk?
Quiasaarisartup nuummiut aliikkutassiarimmagit illarnarpa imaluunniiit naammaannarpa
Sisamanngorneq unnukkut KNR'imi aallakaatinneqarpoq danskip aliikkusersuisartup Jan Gintbergip, Nuuk quiasaarutigalugu aliikkutassiaa. Aallakaatitassiani »Gintberg på kanten« Danmarkimi inoqarfiit avinngarusimasuniittut ornittarpai, tamatumuunalu Nuuk peqqamik pivaa.
– Suliassatta pingaarnersaraat inuit imminnut ilaarutigisuunersut paasiniassallugu. Illoqarfik pikialaarfiua? Innuttaasut imminnut illaatigisinnaappat? Nuummi tamakku uppernarsivagut. Nuummiut imminnut ilaarutigisinnaalluarput. Nuannersussanik ulikkaarput, Anna Seeberg, DR Danmarkimi aaqqissuisoq oqarpoq.
Aallakaatitassiortut angerlaramik Nuuk nuummiullu eqaamalluaqaat.
– Amerlanerit eqqaamavagut - tamangajaasa - allarpassuillu aallakaatitassiami ilaatinneqanngitsut taamaakkaluartorli naapillugit inutsialassuit! Qoorngup borgmesteria, Nuka Bisgaard aamma kalattoortartut peqatigiiffiat NAIP taasinnaavagut, Anna Seeberg oqarpoq.
Nuka Bisgaard ersarissivoq arnatut atisaqarluni, Jan Gintberg tasiorlugu seqineq tarrikkiartortoq pisuttuaqatigigamiuk. Ulluinnarni inuunermit Jan Gintbergillu katersortarfimmi quiasaarineranit akullataakkamik aallakaatitassiaq.