Doris J: Aningaasat pineqanngillat

- Namminersulernissamut akissaqarneq apeqqutaanngilaq, piareersimanersugulli, Doris Jakoben Berlingskemut oqarpoq

Kalaallit Nunaata namminersortup Danmarkimit tapiissutit pisarunnaassavai. Assi: Leiff Josefsen

Tunngaviusumik inatsiseqalernissamut suliaq ullumi Kalaallit Nunaanni aallartinneqassaaq Inatsisartuni amerlanerussuteqartut kissaatigippassuk.

Ministeriunerullu Helle Thorning-Schmidt ammaanersiorluni oqalugiarnermini ilaatigut oqaatigaa kalaallit kissaataat ataqqigini, tamannali tunngaviusumik inatsimmut naapertuttariaqarluni.

Doris Jakobsenimmi suliniutaasa ilagaat Kalaallit Nunaata namminersulernissaa, naak Kalaallit Nunaata ukiumut 3,2 milliard koruunit pisarunnaassagaluarai.

Berlingskemut oqarpoq namminersulernissaq taama akeqartoq:

Akissaqarnersugulli apeqqutaanngilaq. Apeqqutaavoq namminersulernissamut piareersimanersugut.

Powered by Labrador CMS