Sunngiffimmi ornittagaq Naasoq "ikuallarujussuartoq"
Meeqqat sunngiffimmi ornittagaat Naasoq Sisimiuniittoq putsertinneqarujussuarmat alapernaattut imaaginnavipput
Annonce
Qatserisartut sungiusarnerat piviusorsiortorujussuuvoq qatserisartut politiillu biilii kalerrisaarillutik qamisaajartornerat meeqqat inuusuttuaqqallu atuarfimmi qanittumiittut alapernaaserput.
Sungiusarneq nammineq pilersaarusiorluarneqarsimavoq. Sungiusarneq sapinngisaq tamaat piviusorsiortippalaarniarlugu, qatserisartut meeqqallu sunngiffimminni ornittagaani sulisut qitittarfik putsersippaat.
Inuit sunngiffimmi ornittakkamiittut eqqissisimasumik aniatinneqarput, Sisimiuni qatserisartuni iliuuseqarnissamik aqutsisoq sukkasuumik pissusissamisoortumillu iliuuseqarpoq, qatserisartup ittuanit alapernaattunillu 100 missaanniittunit isiginnaarneqarluni.