Naak innuttaasunik kiffartuussivik?
KNR inuiaqatigiinnut kiffartuussisussaatitaanini naammassinngilaa. Taama Nuummi GU-mi klassit ilaat isumaqarpoq inuusuttunik isiginnaartartunik apersuereernermi kingorna
"KNR imminut inuiaqatigiinnik kiffartuussivittut taasinnaanngilaq", inuusuttut 15-iniit 25-nut ukiullit akissutigaat, GU-mi atuartut inuusutut KNR'ip aallakaatitassiaanik isiginnaartarnersut paasiniareernerisa inerneraat. Aperineqartunit 90 procentit akipput KNR'ip aallakaatitassiaanik isiginnaarneq ajorlutik, tv'qarfik inuusuttunut soqutiginartunik aallakaatitassiorneq ajormat.
Taamaattumik kanaalit allarluinnaat aallakaatitalluunniit allarluinnaat isiginnaartarpaat, GU-mi atuaqatigiit allapput. Paasiniaasut tassaapput Arnaq Egede, Hans-Henrik Poulsen, Inuuteq Olsen, Lasse Kyed, Nina Heilmann aamma Paninnguaq Hammenken.
- KNR inuiaqatigiinnut kiffartuussivittut imminut taassaguni isiginnaartartut inuusunnerusut atuisorilerniarlugit sukasartariaqarpoq, inuusuttorpassuimmi tassannga aallakaatitanik isiginnaassaarnikuupput, GU-mi atuaqatigiit isumaqarput.