Oktobarimi aasaaq
Danmarkimi aasaq masannarluni pikkunaatsoq oktobari aallartillartorlu kiatsippoq
Arfininngorneq oktobarip aallaqqaataat Sønderjyllandimi 26,7 gradinik kiappoq. Oktobarip qaammataani aatsaat taama kiatsiginera uttorneqarpoq. Ukiut 30-t matuma siorna 24,1 gradinik rekordi qaangerneqarluni.
Sila taama nuannertigisup inuppassuit pinngortitamut aniakaatippai, soorlu sissat ornigarneqarluartut.
Sissaq Kertemindemi Fynimiittumi allaanngilaq upernaami ulloq. Inuit imaani naloraarput. Allat imaatigut angalaarput allallu seqinertinnissartik taquaminnillu nerinissartik naammagaat.
Grønlandsgade taama aqquserngit ilaat immap sinaatigoortoq ateqarpoq. Umiatsianik tingerlaataannalinnik angalasartut silap qatsungalluni eqqissisimanarnera kisimiillutik immaqa naammagittaalliutigaat. Taakkumi qatsunganera pissutigalugu aallarsinnaannginnamik.