Snescooterit piorsarsimassutsikkut illumi
Snescooterinik ingerlaartarneq Sisimiuni Taseralimmi takutinneqassaaq
Ivik Knudsen-Ostermann, World of Greenland – Arctic Circle'meersoq Sirius Greenland og Arctic Star peqatigalugu Taseralimmi arfininngorneq oktobarip arfineq-pingajuat snescooterit pillugit aaqqissuussinermik aallarniuteqarpoq.
Ivik Knudsen-Ostermann, tusagassiivinnut allappoq aaqqissuussineq Arnajaraq Støvlbæk aamma Taseralik qanimut suleqatigalugit piviusunngortinneqalersoq. Taseralimmi aaqqissuussinernik ingerlatsinissaq pimoorunneqarluarpoq, illoqarfimmi najugallit piorsarsimassutsikkut illumik atuinissaat tikilluaqqusaalluni.
- Ussassaanerit aaqqissuussinerillu assigiinngitsut Kalaallit Nunaanni sumi tamani ingerlanneqartarput, eqqaamasaqanngilangali siornatigut taamaattumik piorsarsimassutsikkut illut aaqqissuussinerannik. Snescooterit illumut eqqussussavagut soorlu atortussanik tuniniaavinnik pilersitsissaagut assigisaannillu. Sisimiut snescooterertartut illoqarfigaat, taamaattumik neriuppunga nunaqqatitta neqerooruterput tusarluarlugu Taseralimmut alakkarterissasut, Ivik Knudsen-Ostermann oqarpoq.
Aaqqissuussineq naggaserlugu snescooterit pillugit filmiliaq Thunderstruck 10, Jim Phelanimik inuttaqartoq takutinneqassaaq. Filmi Canadami USA'milu arlaleriarluni takuteqqaarneqartarpoq. Jim Phelanip nammineq filmi nunatsinni takutinneqarnissaa nuannarisorujussuuaa.