Nuummi politiit persuttaanermik sakkortuumik takunnissimasinnaasunik attavigineqarusupput

Angut danskiusoq 25-nik ukiulik aalakuualaartoq arfininngornermi ullaassakkut Nuummi Katersortarfiup tunuani inuusuttuaqqanit sisamanit saassunneqarpoq. Politiit taama nalunaaruteqarput, angummik 25-nik ukiulimmik persuttaasunik maanna ujaasinerminni.

Angut 25-nik ukiulik isai illuttut tilluusarput, qingaa napilluni qularnanngitsumillu aamma najungasui napisimagunarlutik.

Persuttarneqareernermi kingorn D.H.I'mut unippoq.

Politiit suliaq ujajaanertut isigaat, persuttarneqartup aningaasivia 1000 kr. miissanik imalik aamma mobiltelefonia tillinneqarmata.

25-nik ukiulik Radiofjeldemi fiistertuneereerluni kisimiilluni angerlariartorluni katersortarfiup tunuani majuartarfinni aappalaartuni ingerlasoq saassunneqarpoq.

Angut majuartarfiit naqqaniittoq maluginiarsimavaa. Persuttarneqartoq majuartarfinnit aqqarmat angummit tunuanit tiguneqarpoq. Allat pingasut takkupput tamarmik isummitsarlugulu annersittarpaat.

Saassussisut ima isikkoqarneragaapput:

"Saassussisut ittuat" angut kalaaleq 20-25 miss. ukiulik 180 cm. miss. angissusilik. Qernertumik kavaajaqarpoq, jogginginik qarleqarluni maarngusaqarlunilu.

Ilagisai pingasut 15-18 miss. ukioqassangatinneqarput, tamarmik nasartalinnik kavaajaasallit assut nasarluartitersimasut.

25-nik ukiulik politiinut nassuiaavoq, "saassussisut ittuat" illoqarfiup qeqqani takunikuullugu aammalu ilisarisinnaallugu.

Ilagisai pingasut pillugit persuttarneqartoq nassuiaavoq, taakkua ilannguttitaasartut allat pissusilersornerattut iliortut. Qularnanngilluinnarpoq "saassussisut ittuat" peqqarniisaarnerpaajusoq isummitsaariaatsimini aammalu tillussisarnermini.

- Persuttarneqartoq imigassartorsimavoq ullumi killisiorneqarami niaqorluttorujussuuvoq. Maannamuugallartoq oqaatigisinnaanngilaa A-B-C-D'lluunniit aningaasanik mobiltelefonimik, inaanut matuersaatinik il.il. tillittuunersoq, politiit nassuiaapput.

Tamanna pillugu politiit persuttaasut nassaarineqarnissaannut ikioqqullutik innuttaasunut saaffiginnipput.

Katersortarfiup tunuani pingasut sisamalluunniit akornanni katersortarfiup tunuani pisunik takunnissimasinnaasut, saassussisulluunniit pillugit ilisimasaqarsinnaasut politiassistent Steen Brink Jørgensen, Nuuk Politi oqarasuaat 32 14 48 atorlugu saaffigisinnaavaat.