Svenskisut assammik arsarneq

Angutimmarik Kreutzmann Helsingørimi najugaqarpoq Helsingborgimilu assammik arsartarluni

Angutimmarik Kreutzmann nr. 34 tujuuloraa, ataa 1934-mi inuunikuummat.
Angutimmarik Kreutzmann og træner Ian Marko Fog, der er tidligre dansk landsholdsspiller, og som hentede Angutimmarik til Helsingborg.
Angutimmarik Kreutzmann nr. 34 tujuuloraa, ataa 1934-mi inuunikuummat. Angutimmarik Kreutzmann og træner Ian Marko Fog, der er tidligre dansk landsholdsspiller, og som hentede Angutimmarik til Helsingborg. Angutimmarik Kreutzmann nr. 34 tujuuloraa, ataa 1934-mi inuunikuummat. Angutimmarik Kreutzmann og træner Ian Marko Fog, der er tidligre dansk landsholdsspiller, og som hentede Angutimmarik til Helsingborg. Angutimmarik Kreutzmann nr. 34 tujuuloraa, ataa 1934-mi inuunikuummat. Angutimmarik Kreutzmann og træner Ian Marko Fog, der er tidligre dansk landsholdsspiller, og som hentede Angutimmarik til Helsingborg.

Angutimmarik Kreutzmann sæsonit aappassaa svenskit klubbianni OV Helsingborg-imi unammisartuuvoq, ukiunilu tallimani Silkeborgimi toqqissisimanartumik allaanerusumillu inooreerluni klubbimi tassaniinneq sungiutilerpaa. Angutimmariup isertuutinngilaa ilisimalluakkat kammalaatigilluakkallu qimassimanerat ilaanneeriarluni sakkortusinnaasartoq.

- Eqqumiikujuppoq Danmarkimi najugaqarluni Sverigemilu assammik arsartarluni, taamaattoqarsinnaalluarporli, 23-inik ukiulik Angutimmarik Kreutzmann oqaluttuarpoq.

- Helsingørimi najugaqarpunga ikaartaammillu Helsingborg-iliartarpunga sungiusariassagaangama unammiartussagaangamalu. Tassunngarneq minutsit 30-iinnaat missaannik sivisussuseqarpoq.

OV Helsingborg svenskit rækkianni kakkannerit tullianni sæsoni kingulleq nr. 7-inngorpoq. Ukioq manna qaffasinnerpaamut pinissaq anguniarneqarpoq. Holdi ilaatigut sukalasarneqarsimavoq stregimiittartumik kakkattumik Oluf Ask-imik, Danmarkimi ilaatigut GOG-mi unammisartuusimasumik.

- Kakkannernut qaffassagutta tassaniiginnarnissannik killinneqarsinnaalluarpunga. Svenskit assammik arsartariaasaat uannut naapertuulluarpoq. Qangatut 6 - 0-imik illersorluta unammisarpugut, Sverigemilu timikkut nukersornarnerugunarpoq, Danmarkimi nalinginnaasumit. Unamminermi nr. 34 atortarpara, tassa aataga 1934-imi inunngorsimammat, Angutimmarik oqaluttuarpoq.

Nukkilisitsisimavoq qujanartumik erloqinanngitsumik, taamaattumik Angutimmarik Kreutzmann sapaatip akunnerata naanerani IFK Ystadinut unamminermi unammeqataanngilaq. OV Helsingborg qularnaatsumik 28 - 18-imik ajugaavoq unamminernilu siullerni pingasuni ajugaasarsimalluni.

OV Helsingborgip sungiusaasoraa qallunaaq nunanut allanut unammisartuusimasoq Ian Marko Fog, taassumalu siorna Angutimmarik Kreutzmann klubbimut tassunga pisippaa.


Powered by Labrador CMS