Christianiami kaffillerneq
Illoqarfik imminut naalakkersortoq ullumik ukiunik 40-nngortorsiorpoq. Stjernerskibet akunnaalliliinermik malunnartitseqataavoq
Christianiap ataannarnissaa ilungersuutigineqaleruttortpq inuillu piginneqataassutsinik pisinissaaminnut kajumissaarneqarlutik inuuissiornermik malunnartitsinissamut piffissaqarpoq. Illoqarfik imminut naalakkersortoq Københavnip qeqqani sakkutooqarfiusimasumiittoq ullumi ukiunik 40-nngortorsiorpoq, tamannalu ulluni qulini tulliuttuni nalliuttorsiutigineqassaaq.
Ukiut ingerlanerini ingammik Stjernerskibetimi Pusherstreetip qeqqaniittumi kalaallit najugaqarnerusarsimapput. Najugaqartullu ilaat 46-nik ukiulik Evy Nielsen kalaallisut inuusissiortorsiornissamik suliniuteqartuusimavoq.
-Ualip ingerlanerani Stjerneskibetip saani kaffillerpugut, Evy ukiuni 27-ni Christianiami najugaqarsimasoq oqaluttuarpoq, aammalu Stjernerskibetip isaariaani ataavartumik kaffisorniartarfiliulersaartoq, taamaalilluni illu kajuminnarnerulluni.