Atlantiku ikaarlugu timmisartuussinissaq sapammut kinguartinneqarpoq
Norsaq suli teknikkikkut ajornartorsiorpoq
Air Greenlandip Københavnip Kangerlussuullu akornanni timmisartuussinissaa tallimanngormalli ingerlanneqartussaagaluaq, kinguaattooqqittoq Air Greenlandip nalunaarutigaa.
Ajoraluartumik Air Greenlandip timmisartorsuata Airbus 330-200 teknikkikkut ajornartorsiutai suli aaqqinneqanngimmata, Københavnip Kangerlussuullu akornanni timmisartuussinissat ullormik ataatsimik kinguarteqqittariaqarput. Timmisartuussinissap ingerlanneqarnissaa sapaammi septembarip 25-anni pilersaarutaalertoq, timmisartuutileqatigiiffik nalunaaruteqarpoq, teknikkerillu akornut iluarsiniarlugu ilungersorlutik sulipput.
Tamatuma saniatigut nunap iluani timmisartuussinissat timmisartorsuarmut Danmarkimeersumut attuumassuteqartut aamma sunnerneqarput, tassa Nuuk aamma Ilulissat akornanni timmisartuussinerit sapaammut kinguartinneqarmata.
Air Greenlandip timmisartuussinissat ullumi ingerlanneqarsinnaaqqullugit timmisartumik allamik attartorsinnaaneq misissorsimagaluarpaa, ajoraluartumilli attartugassamik iluatsitsisimanngillat.
Air Greenlandip nittartakkani atorlugu pilersaarutit pillugit paasissutissiinini ingerlaavartumik nutartertuarpai.
Ilaasussat toqqaannartumik Air Greenlandimit paasissutissinneqassapput.