Nunatsinni atuakkiortut naapisimaakkit

Atuakkanik saqqummersitsisarfik Atuagkat sapaatip akunnerata naanerani Nuuk Kunstmuseumimi atuakkanut tunngatitamik arfininngortorsiussaaq nunatsinni atuakkiortut arlallit peqataaffigisaanik

Takkullutit atuakkiortoq nuannarisat naapiguk.

Taama atuakkanik saqqummersitsisarfik Atuagkat qaaqqusissutaat soqutiginartoq allassimavoq, arfininngornermi kalaallit atuakkiortut arlaqartut peqatigalugit atuakkanut tunngatitamik aaqqissuilerpata. Taamatut atuakkanut tunngatitamik arfininngortorsiorneq pissaaq Nuuk Kunstmuseumimi, pisussallu ilaatigut tassaapput atuffassineq, oqallinneq, atuakkanik atsiorneq, atuakkanik tuniniaaneq allarpassuillu.

Atuakkiortut makku peqataassapput (parentesitallit tassaapput atuakkat atuffassissutigineqartussat )

Kristian Olsen aaju (Det tatoverede budskab / Kakiorneqaqatigiit), Ole Korneliussen (En spytklat på kinden / Meerannguatut Ilinngikkuni), Tungutaq Larsen (Nittaallatut – taallat -), Hans Anthon Lynge (Hans Egedep Ullorsiutai), Linda Lassen (Håbets år, - Gertrud Rask pillugu atuakkiaq Forlaget Hovedland suleqatigalugu saqqummersinneqartoq), Niels Frandsen (Kinguaariit kalaallit ilaat. NF Nunatta katersugaasiviani toqqorsivianilu arkivariuvoq, nunatsinnilu kinguaariit 15-it pillugit sukumiisumik nalunaarsuisimalluni, ingammik avannaani), Lisa Lynge Hesseldahl (Meeraallung aeqqaamasakka Nuuk 1950-60-ikkunni), Arnajaaq Lynge (Nattoralik marloralik – taallat), Frederik Kristensen Kunngi (Qaammatigivissuarmi – taallat), Alfred Jakobsen (ataatani Abel Jakobsen, Pisimasunik eqqaamasannik oqaluttuutilaarlassi .

Aaqqissuussineq ingerlanneqassaaq nal. 13 - 18.

Powered by Labrador CMS