Doris-ip Sara suleqatigerusuppaa
Atlantikup avannaaneersut Folketingimi Siumup suleqatiserai
Folketingimut ilaasortanngorlaap, Doris Jakobsen-ip, Siumumeersup, sulinini aallartereerlugu IA-p ilaasortanngortitaa Sara Olsvig savalimmiormiullu ilaasortanngortitaat, Sjurdur Skaale(S), Atlantikup avannaanut tunngasut pineqartillugit suleqatiserai.
Doris Jakobsen naalakkersuinermut tunngasunik ukiuni arlalinni suliaqarnermini misilittagaqarpoq. Taamaammat parteeqatiginngisaraluanik suleqateqarluni oqaluuserisassanngortitsisinnaaneq sunniuteqarniarsinnaanerlu qanoq pingaartiginersut nalunngilaa.
- Parteera kisiat sinnerlugu folketingimi ilaasortaalinngilanga, Kalaallit Nunaalli ataatsimut isigalugu soqutigisat suliariniartussaavakka. Namminersulivinnissarput anguniarlugu suliniuteqarnitta ingerlatiinnarnissaat neriuutigaara, nalunngilaralu aamma Sara-p Sjurdur-illu tamanna soqutigigaat. Taamaammat piaarnerpaamik suleqatiseralugit saaffigissavakka, Doris Jakobsen oqarpoq, folketingimilu saamerliuniat tapersersorlugit suleqatigiinnissartik kissaatigineqararlugu.