Aputsiap 15 tonsit noqippai
Illoqarfiit pingaarnersaanni angutit nukittuut allanngillat inuit motoorit
Siallernerata kingorna tutiffissaat masaqaaq, tamannali aporfiginagu Nuummi angutit inuusuttut nukittuut qulingiluat arfininngormat ualikkut lasbiilimik noqipput.
Taamaasilluni Fit & Fun-ip illoqarfiit pingaarnersaanni angutini - arnaniluunniit - kina nukittunerpaajunersoq ukiumoortumik unammisitsinera aallartinneqarpoq.
Lastbiilimik noqitsineq unammissutit tallimat siullersaraat. Tamatumunnga lastbiili, illoqarfiit pingaarnersaanni uuliamik assartuut, attartorneqarpoq Taanna 15 tonsinik oqimaassuseqarpoq, peqataasullu wire-mik pituutsillerlutik lasbiili apuuffissamut noqittussaavaat.
Videoliami takusinnaavat siullermik Ineqi noqitsisoq 25,8 sekundit atorlugit. Tullersortigaa Aputsiaq Fleischer Høy, atorlugit 24,9 sekundit.
Lastbiilimik noqitsilluni unamminermi angusat:
Salik ( 77 kg) 32,4 sekundit
Erneeraq (77 kg) 35,9 sekundit
Simon (86 kg) 29,8 sekundit
Johannes (84 kg) 29,3 sekundit
Lars J. (82 kg) 29,5 sekundit
Thomara (oqimaassuserpiaa oqaatigineqanngitsoq, 90-100 kiilunilli oqimaassusilinni peqataasoq) 25,2 sekundit
Ineqi (vægtklasse 101-110 kg) 25,8 sekundit
Gerth (vægtklasse 101-110 kg) 26,5 sekundit
Aputsiaq Fleischer Høy (109 kg) 24,9 sek sekunder.
Pakassumminneq kivitsinerlu tullinnguupput
Lastbiilimik noqutsilluni unamminerup kingorna peqataasut Fit & Fun-inut iserput. Tassani pakassummissapput.
Unamminerup immikkoortuata aappaa oktobarimi ingerlanneassaaq tassani saviminernik kivitsisoqassalluni. Unammissutit pingasut ingerlnneqassapput, bænkpres, kivitsineq aamma squat.
Siorna ajugaavoq Mikkel Kielmann Hansen - unammissutit arlaannaanniluunniit ajugaanani. Ukioq manna ilimagineqarnersaavoq Aputsiaq Fleishcer Høy, siorna ajoqusernini pissutigalugu unamminermi peqataasimanngitsoq. Ataatsimoortillugu savimernit oqimaannerpaat kivippai.