Nuna tamakkerlugu qinersinerup inernerigallagai
Ajoraluartumik naalalaaffiup sinniisaanit nuna tamakkerlugu pisortatigoortumik inernerit naammassineqarsimasut suli pissarsiarinngilagut. Kisitsisaagallartut makku saqqummiuppavut
Qinersivinni 60-ni taasinernit 22.076-init angusat takutippaat IA Siumullu ajugaarujussuartut.
IA ajugaasuuvoq 9.431-ni taaneqarluni imaluunniit kisitsisaagallartunit 42,72 procentinik. Siumut 7.952-init taagorneqarpoq imaluunniit kisitsisaagallartunit 36 procentinit. Demokraatit 2.846-init taagorneqarput imaluunniit 12.9 procentinit Atassullu 1.593-init taagorneqarluni imaluunniit 7,2 procentinit.
2007-mi Folketingimut qinersineq sanillutissagutsigu IA 10 procentpointingajannik pissarsivoq, Siumut 3 procentpointinik pissarsilluni, Demokraatit 5,3 procentpointinik annaasaqarlutik Atassullu 9,1 procentpointinik annaasaqarluni.
Aamma qinerisartortut amerlassusaat aatsaat taama annikitsigaaq, tamannalu ingammik Atassutip Demokraatillu misillerfigaat.
Sara Olsvig 7.808-init taagorneqarluni siuttuuvoq.
Qinerneqarnerpaat qulit ima isikkoqarput;
Sara Olsvig: 7.808 (35,4)
Doris Jakobsen: 5.286 (23,9)
Niels Thomsen 2027 (9,18)
Vittus Qujaukitsoq 1279 (5,8)
Steen Lynge 844 (3,8)
Nick Nielsen 740 (3,4)
Johan Lund Olsen 661 (3)
Akitsinnguaq Olsen 443 (2,0)
Sofia Rossen 420 (1,9)
Hans Lyberth 308 (1,4)